ਫਰਿਜ਼ਨੋ (ਮਾਛੀਕੇ / ਧਾਲੀਆਂ ਮੀਡੀਆ ਗਰੁੱਪ) ਫਰਿਜ਼ਨੋ ਸਿੱਖ ਕੌਂਸਲ ਆਫ ਸ਼ੈਟਰਲ ਕੈਲੀਫੋਰਨੀਆ ਵੱਲੋਂ ਫਰਿਜ਼ਨੋ ‘ਚ 14 ਮਾਰਚ ਨੂੰ ਹੋਣ ਵਾਲਾ ਸੈਮੀਨਾਰ ਕਰੋਨਾਵਾਇਰਸ ਕਰਕੇ ਅਣਮਿੱਥੇ ਸਮੇਂ ਲਈ ਰੱਦ ਕਰ ਦਿੱਤਾ ਗਿਆ ਹੈ। ਇਸੇ ਤਰੀਕੇ ਫਰਿਜ਼ਨੋ ਸਿਟੀ ਕਾਲਜ ਨੇ ਇੱਕ ਹਫ਼ਤੇ ਲਈ ਸਾਰੀਆਂ ਕਲਾਸਾਂ ਰੱਦ ਕਰ ਦਿੱਤੀਆਂ ਗਈਆਹਨ। ਕੈਲੇਫੋਰੀਆਂ ਗਵਰਨਰ ਨੇ 250 ਬੰਦਿਆਂ ਤੋਂ ਵੱਧ ਦੇ ਇਕੱਠ ਕਰਨ ਤੇ ਪਾਬੰਦੀ ਲਾ ਦਿੱਤੀ ਹੈ। ਇਸੇ ਤਰਾਂ ਸਮੂਹ ਗੁਰੂ-ਘਰ ਦੇ ਪ੍ਰਬੰਧਕਾਂ ਨੂੰ ਵੀ ਬੇਨਤੀ ਹੈ ਕਿ ਐਂਤਵਾਰ ਅਤੇ ਬੁੱਧਵਾਰ ਦੇ ਦੀਵਾਨ ਵੀ ਕੈਂਸਲ ਕੀਤੇ ਜਾਣ, ਖਾਸ ਕਰਕੇ ਐਂਤਵਾਰ ਕਿਉਕੇ ਇਸ ਦਿਨ ਸੰਗਤ ਵੱਡੀ ਗਿਣਤੀ ਵਿੱਚ ਗੁਰਦਵਾਰੇ ਨਤਮਸਤਕ ਹੋਣ ਲਈ ਆਉਦੀ ਹੈ। ਅੱਜ-ਕੱਲ੍ਹ ਬਹੁਤ ਸਾਰੇ ਯਾਤਰੀ ਸਰਦੀਆਂ ਦੀਆਂ ਛੁੱਟੀਆਂ ਕੱਟਕੇ ਵਾਪਸ ਅਮਰੀਕਾ ਪਰਤ ਰਹੇ ਨੇ, ਜਿਸ ਕਰਕੇ ਇਹ ਇਕੱਠ ਕਾਫ਼ੀ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ। ਇਹ ਬਿਮਾਰੀ ਬਜ਼ੁਰਗਾਂ ਨੂੰ ਜ਼ਿਆਦਾ ਲਪੇਟ ਵਿੱਚ ਲੈਂਦੀ ਹੈ, ਉਹਨਾਂ ਨੂੰ ਵੀ ਬੇਨਤੀ ਹੈ ਕਿ ਹਾਲ ਦੀ ਘੜੀ ਘਰੇ ਬੈਠਕੇ ਹੀ ਪਾਠ ਵਗੈਰਾ ਕਰ ਲਿਆ ਕਰੋ। ਅਗਰ ਕੋਈ ਫਰਿਜ਼ਨੋ ਦਾ ਗੁਰੂ-ਘਰ ਇਸ ਤਰਾਂ ਦਾ ਫੈਸਲਾ ਲੈਂਦਾ ਹੈ ਤਾਂ ਜ਼ਰੂਰ ਦੱਸਣ ਦੀ ਖੇਚਲ ਕਰਿਓ ਤਾਂ ਕਿ ਸੰਗਤ ਨੂੰ ਸੂਚਿਤ ਕੀਤਾ ਜਾ ਸਕੇ। ਧੰਨਵਾਦ
