ਅੰਮ੍ਰਿਤਸਰ ( ਏ-ਆਰ. ਆਰ. ਐੱਸ. ਸੰਧੂ ) ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਬਾਗਬਾਨੀ ਨਾਲ ਜੁੜੇ ਕਿਸਾਨਾਂ ਨੂੰ ਆਪਣੀ ਫਸਲ ਦੀ ਸਾਂਭ-ਸੰਭਾਲ, ਖਾਦਾਂ, ਦਵਾਈਆਂ ਅਤੇ ਮੰਡੀਕਰਨ ਆਦਿ ਦੀ ਆ ਰਹੀ ਸਮੱਸਿਆ ਨੂੰ ਹੱਲ ਕਰਨ ਵਾਸਤੇ ਡਿਪਟੀ ਡਾਇਰੈਕਟਰ ਬਾਗਬਾਨੀ ਅੰਮ੍ਰਿਤਸਰ ਸ. ਗੁਰਿੰਦਰ ਸਿੰਘ ਧੰਜਲ ਨੇ ਆਪਣੇ ਅਧਿਕਾਰੀਆਂ ਨੂੰ ਇਸ ਬੰਦੋਬਸਤ ਲਈ ਕਿਸਾਨਾਂ ਦੀ ਮਦਦ ਕਰਨ ਵਾਸਤੇ ਹਦਾਇਤ ਕਰਦੇ ਹੋਏ ਕੰਟਰੋਲ ਰੂਮ ਸਥਾਪਿਤ ਕੀਤਾ ਹੈ। ਇਸ ਸਦਕਾ ਕਿਸਾਨ ਹੁਣ ਫੋਨ ਉਤੇ ਹੀ ਇੰਨਾਂ ਅਧਿਕਾਰੀਆਂ ਦੀ ਮਾਹਿਰ ਰੈਅ ਲੈਣ ਤੋਂ ਇਲਾਵਾ ਵਿਭਾਗ ਵੱਲੋਂ ਦਿੱਤੀ ਜਾਂਦੀ ਹਰ ਤਰਾਂ ਦੀ ਸਹਾਇਤਾ ਲੈ ਸਕਣਗੇ।
ਉਨਾਂ ਦੱਸਿਆ ਕਿ ਜ਼ਿਲ੍ਹਾ ਅੰਮ੍ਰਿਤਸਰ ਲਈ ਬਤੌਰ ਡਿਪਟੀ ਡਾਇਰੈਕਟਰ ਮੇਰਾ ਫੋਨ ਨੰਬਰ 99157-04727 ਹਰ ਵੇਲੇ ਕਿਸਾਨਾਂ ਦੀ ਸੇਵਾ ਲਈ ਹਾਜ਼ਰ ਹੈ। ਇਸ ਤੋਂ ਇਲਾਵਾ ਵੇਰਕਾ ਬਲਾਕ ਦੇ ਕਿਸਾਨ ਜਤਿੰਦਰ ਸਿੰਘ ਬਾਗਬਾਨੀ ਵਿਕਾਸ ਅਫਸਰ ਦੇ ਫੋਨ ਨੰਬਰ 75080-18845, ਅਜਨਾਲਾ, ਚੌਗਾਵਾਂ ਤੇ ਹਰਸ਼ਾ ਛੀਨਾ ਇਲਾਕੇ ਦੇ ਬਾਗਬਾਨ ਸਾਡੇ ਅਧਿਕਾਰੀ ਸ੍ਰੀਮਤੀ ਕਿਰਨਬੀਰ ਕੌਰ ਦੇ ਫੋਨ ਨੰਬਰ 95924-59343 ਉਤੇ, ਜੰਡਿਆਲਾ ਗੁਰੂ ਬਲਾਕ ਦੇ ਕਿਸਾਨ ਸ. ਹਰਵਿੰਦਰ ਸਿੰਘ ਨਾਲ ਫੋਨ ਨੰਬਰ 62391-31060 ਉਤੇ, ਅਟਾਰੀ ਬਲਾਕ ਦੇ ਕਿਸਾਨ ਬਿਕਰਮਜੀਤ ਸਿੰਘ ਦੇ ਫੋਨ ਨੰਬਰ 99149-25151 ਅਤੇ ਰਈਆ, ਤਰਸਿੱਕਾ ਅਤੇ ਮਜੀਠਾ ਬਲਾਕ ਦੇ ਬਾਗਬਾਨ ਕਿਸਾਨ ਬਾਗਬਾਨੀ ਵਿਕਾਸ ਅਫਸਰ ਸ੍ਰੀ ਸੁਖਬੀਰ ਸਿੰਘ ਨਾਲ ਫੋਨ ਨੰਬਰ 75080-18810 ਉਤੇ ਸੰਪਰਕ ਕਰਕੇ ਹਰ ਤਰਾਂ ਦੀ ਸਹਾਇਤਾ ਲੈ ਸਕਦੇ ਹਨ।
