ਫਿਲਮ ਨੇ 2 ਪੁਰਸਕਾਰ ਜਿੱਤੇ।
ਕੈਲੀਫੋਰਨੀਆ (ਹੁਸਨ ਲੜੋਆ ਬੰਗਾ)- ਹਾਲ ਹੀ ਵਿਚ ਰਲੀਜ਼ ਹੋਈ ਗੁਰੂ ਨਾਨਕ ਦੇਵ ਜੀ ਬਾਰੇ ਦਸਤਾਵੇਜ਼ੀ ਫਿਲਮ ਨੇ ਗਾਰਡਨ ਸਟੇਟ ਫ਼ਿਲਮ ਫ਼ੈਸਟੀਵਲ ਵਿਚ ਦੋ ਪ੍ਰਮੁੱਖ ਪੁਰਸਕਾਰ ਜਿੱਤੇ ਹਨ। ਨੈਸ਼ਨਲ ਸਿੱਖ ਕੰਪੇਨ ਵੱਲੋਂ ਜਾਰੀ ਪ੍ਰੈਸ ਬਿਆਨ ਅਨੁਸਾਰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਬਾਰੇ ਬਣੀ ਪਹਿਲੀ ਦਸਤਾਵੇਜ਼ੀ ਫਿਲਮ ਨੇ ਬੈਸਟ ਇੰਟਰਨੈਸ਼ਨਲ ਡਾਕੂਮੈਂਟਰੀ ‘ਤੇ ਬੈਸਟ ਸਿਨੇਮਾਟੋਗਰਾਫ਼ੀ ਐਵਾਰਡ ਜਿੱਤਿਆ।
ਨਿਊਜਰਸੀ ਦੇ ਐਸਬਰੀ ਸ਼ਹਿਰ ਵਿਚ ਹੋਏ ਸਲਾਨਾ ਸਮਾਗਮ ਵਿਚ ਕੁਲ 240 ਦਸਤਾਵੇਜ਼ੀ ਫ਼ਿਲਮਾਂ ਮੁਕਾਬਲੇ ਵਿਚ ਸਨ। ਨਿਰਦੇਸ਼ਕ ਜੈਰੀ ਕਰੈਲ ਤੇ ਐਡਮ ਕਰੈਲ ਨੇ ਗੁਰੂ ਨਾਨਕ ਦੇਵ ਜੀ ਦੇ 550 ਵੇਂ ਪ੍ਰਕਾਸ਼ ਪੁਰਬ ਮੌਕੇ ਇਸ ਫ਼ਿਲਮ ਨੂੰ ਬਣਾਉਣ ‘ਚ 10 ਮਹੀਨੇ ਦਾ ਸਮਾਂ ਲਗਾਇਆ।
