ਪਟਿਆਲਾ (ਅਰਵਿੰਦਰ ਸਿੰਘ) ਨੈਸ਼ਨਲ ਥੀਏਟਰ ਆਰਟਸ ਸੋਸਾੲਟਿੀ (ਨਟਾਸ) ਪਟਿਆਲਾ ਦੇ ਨਿਰਦੇਸ਼ਕ ਦੰਪਤੀ ਸ਼੍ਰੀ ਪ੍ਰਾਣ ਸਭਰਵਾਲ-ਸ਼੍ਰੀਮਤੀ ਸੁਨੀਤਾ ਸਭਰਵਾਲ ਵੱਲੋਂ ਬਾਰਾਂਦਰੀ ਬਾਗ਼ ਵਿਖੇ ਆਪਣਾ 227ਵਾਂ ਨਾਟਕ ਮੇਲਾ ਸਖ਼ਤ ਸਰਦੀ ਅਤੇ ਬਰਸਾਤੀ ਮੌਸਮ ਦੇ ਬਾਵਜੂਦ ਸਫਲਤਾਪੂਰਵਕ ਆਯੋਜਿਤ ਕੀਤਾ ਗਿਆ। ਮੇਲੇ ਵਿੱਚ ਨਾਟਕਾਂ ਦੀ ਪੇਸ਼ਕਾਰੀ ਤੋਂ ਬਿਨਾ ਅੰਤਰਰਾਸ਼ਟਰੀ ਮਾਂ ਬੋਲ਼ੀ ਦਿਵਸ ਨੂੰ ਸਮਰਪਿਤ ਪੰਜਾਬੀ ਥੀਏਟਰ ਵਿਕਾਸ ਮੁਹਿੰਮ ਅਰੰਭ ਕੀਤੀ ਗਈ।ਸਮਾਗਮ ਦੇ ਮੁੱਖ ਮਹਿਮਾਨ ਜਗਤ ਪ੍ਰਸਿੱਧ ਪਰ ਉਪਕਾਰੀ ਓਬਰਾਏ ਪਰਿਵਾਰ ਦੇ ਮੈਡਮ ਮਨਿੰਦਰ ਕੌਰ ਓਬਰਾਏ ਸੁਪਤਨੀ ਡਾ. ਐਸ.ਪੀ ਸਿੰਘ ਓਬਰਾਏ (ਦੁਬਈ) ਮੁਖੀ ਸਰਬਤ ਦਾ ਭਲਾ ਚੈਰੀਟੇਬਲ ਟਰੱਸਟ ਨੇ ਭਗਵਾਨ ਨਟਰਾਜ ਦੀ ਪ੍ਰਤਿਮਾ ਤੇ ਪੁਸ਼ਪਾਂਜਲੀ ਅਤੇ ਪ੍ਰਸ਼ਾਦ ਚੜਾ ਕੇ ਸਮਾਗਮ ਦਾ ਉਦਘਾਟਨ ਕੀਤਾ। ਇਸ ਅਵਸਰ ਤੇ ਉਨ੍ਹਾਂ ਨੇ ਨਟਾਸ ਨੂੰ 40 ਨਵੀਆਂ ਕੁਰਸੀਆਂ ਪ੍ਰਦਾਨ ਕਰਨ ਦੀ ਰਸਮ ਤਾਲੀਆਂ ਦੀ ਗੂੰਜ ਵਿੱਚ ਅਦਾ ਕੀਤੀ ਅਤੇ ਸਾਥੀ ਸ਼ਖ਼ਸੀਅਤਾਂ ਨਾਲ ਕਲਾਕਾਰਾਂ ਨੂੰ ਕੈਸ਼ ਅਵਾਰਡ ਚੈੱਕ ਵੰਡੇ । ਨਟਾਸ ਦੇ ਪ੍ਰਧਾਨ ਸ੍ਰ. ਗੁਰਬਚਨ ਸਿੰਘ ਕੱਕੜ ਅਤੇ ਸੁਨੀਤਾ-ਪ੍ਰਾਣ ਸਭਰਵਾਲ ਦਮਪਤੀ ਨੇ ਪ੍ਰਧਾਨਗੀ ਮੰਡਲ ਚ ਸ਼ਾਮਲ ਪੰਜਾਬ ਦੀਆਂ ਹੋਰ ਪ੍ਰਸਿੱਧ ਸ਼ਖ਼ਸੀਅਤਾਂ ਮੈਡਮ ਇੰਦਰਜੀਤ ਕੌਰ ਗਿੱਲ ਸਿੱਖਿਆ ਡਾਇਰੈਕਟਰ ਸਰਬਤ ਦਾ ਭਲਾ ਚੈਰੀਟੇਬਲ ਟਰੱਸਟ, ਸਮਾਜਸੇਵੀ ਸ਼੍ਰੀ ਬਲਵਿੰਦਰ ਸਿੰਘ ਬਿੱਲੂ ਬੇਦੀ ਉਨ੍ਹਾਂ ਦੀ ਸੁਪਤਨੀ ਮੈਡਮ ਅਮਰਬੀਰ ਕੌਰ ਬੇਦੀ ਐਮ.ਸੀ, ਸ੍ਰ. ਲਖਵਿੰਦਰ ਸਿੰਘ ਛਤਵਾਲ ਐਮ.ਡੀ ਹੋਟਲ ਨਿਊ ਦਿੱਲੀ ਪਲਾਜ਼ਾ, ਸ਼੍ਰੀ ਓ.ਪੀ ਗਰਗ ਐਡੀਸ਼ਨਲ ਐਸ.ਸੀ ਬਿਜਲੀ ਬੋਰਡ (ਰਿੱਟ.) ਅਤੇ ਸ਼੍ਰੀ ਯੋਗਿੰਦਰ ਕੁਮਾਰ ਗੁਪਤਾ ਚੀਫ਼ ਮੈਨੇਜਰ ਅਤੇ ਸ਼੍ਰੀ ਪ੍ਰਦੀਪ ਕੁਮਾਰ ਯੂਕੋ ਬੈਂਕ ਵੱਲੋਂ ਮਿਲੇ ਕਲਾ ਪ੍ਰੇਮ ਅਤੇ ਸਹਿਯੋਗ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਸ਼ਖ਼ਸੀਅਤਾਂ ਨੂੰ ਅਵਾਰਡ ਆਫ਼ ਆਨਰ ਮੋਮੈਂਟੋ ਸ਼ਾਲ ਗੁਲਦਸਤੇ ਅਤੇ ਉਪਹਾਰ ਭੇਂਟ ਕਰਕੇ ਸਨਮਾਨਿਤ ਕੀਤਾ। ਨਟਾਸ ਦੇ ਪ੍ਰਮੁੱਖ ਕਲਾਕਾਰਾਂ ਸ਼੍ਰੀ ਪ੍ਰਾਣ ਸਭਰਵਾਲ, ਸਵੀਟੀ ਰਾਜਪੂਤ, ਰਾਜ ਸ਼੍ਰੀ, ਰਜਤ ਚੌਹਾਨ, ਪਰਮਵੀਰ ਸਿੰਘ, ਮਨੀਸ਼ਾ, ਅਰਸ਼ਦੀਪ ਕੌਰ, ਗੁਰ ਪਰਗਟ ਸਿੰਘ ਤੋਂ ਬਿਨਾ ਗਾਇਕਾਂ, ਸ਼੍ਰੀ ਸੁਭਾਸ਼ ਮਲਿਕ, ਮੈਡਮ ਕਾਂਤਾ ਦੇਵੀ ਅਤੇ ਹਰਪਾਲ ਮਾਨ, ਅਕਸ਼ਤ ਕੁਮਾਰ ਟੈਕਨੀਕਲ ਟੀਮ ਅਤੇ ਆਰਕੀਟੈਕਟ ਜਗਮੋਹਨ ਸਿੰਘ ਬੇਦੀ ਆਰਗਨਾਇਜ਼ਿੰਗ ਸਕੱਤਰ ਨੇ ਆਪਣੀ ਕਲਾ ਅਤੇ ਫ਼ਰਜ਼ ਦੀ ਅਦਾਇਗੀ ਨਾਲ ਵਾਹ-ਵਾਹ ਖੱਟੀ। ਅੰਤ ਲੇਖਕ-ਗਾਇਕ ਸ਼੍ਰੀ ਸੁਭਾਸ਼ ਮਲਿਕ ਨੇ ਡਾ. ਓਬਰਾਏ ਅਤੇ ਮਨਿੰਦਰ ਕੌਰ ਓਬਰਾਏ ਵੱਲੋਂ ਕੀਤੀਆਂ ਜਾ ਰਹੀਆਂ ਜਗਤ ਵਿਆਪੀ ਸਮਾਜਿਕ ਸੇਵਾਵਾਂ ਦਾ ਆਪਣੀ ਮਿੱਠੀ ਆਵਾਜ਼ ਵਿੱਚ ਗੀਤਾਂ ਦੁਆਰਾ ਵਰਨਣ ਕਰ ਕੇ ਦਰਸ਼ਕਾਂ ਨੂੰ ਕੀਲਿਆ।
