ਫ਼ਤਹਿਗੜ੍ਹ ਸਾਹਿਬ, 20 ਅਪ੍ਰੈਲ (ਸੂਦ)- ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਵਿੱਚ ਕੋਰੋਨਾ ਵਾਇਰਸ ਨਾਲ ਪਾਜ਼ੀਟਵਿ ਪਾਈਆਂ ਗਈਆਂ 02 ਔਰਤਾਂ ਦੇ ਟੈਸਟ ਆਏ ਨੈਗਟਵਿ ਆਏ। ਜਿਸ ਦੀ ਪੁਸ਼ਟੀ ਸਿਵਲ ਸਰਜਨ ਡਾ. ਐਨ.ਕੇ ਅਗਰਵਾਲ ਵਲੋਂ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਦੋਨੋਂ ਔਰਤਾਂ ਦੇ ਟੈਸਟ ਦੂਜੀ ਵਾਰ ਫਿਰ ਲਏ ਜਾਣਗੇ ਜੋ ਕਿ ਗਿਆਨ ਸਾਗਰ ਹਸਪਤਾਲ ਬਨੂੜ ਵਿਖੇ ਜ਼ੇਰੇ ਇਲਾਜ ਹਨ।
ਉਕਤ ਔਰਤਾਂ ਔਰੰਗਾਬਾਦ ਤੋਂ ਤਬਲੀਗੀ ਜਮਾਤ ‘ਚ ਸ਼ਾਮਲ ਹੋਣ ਉਪਰੰਤ ਸਰਹਿੰਦ ਨੇੜਲੇ ਪਿੰਡ ਸਾਨੀਪੁਰ, ਖਮਾਣੋਂ ਦੇ ਪਿੰਡ ਉੱਚਾ ਪਿੰਡ ਸੰਘੋਲ ਵਿਖੇ ਵੀ ਆਪਣੇ ਰਿਸ਼ਤੇਦਾਰਾਂ ਕੋਲ ਠਹਿਰੀਆਂ ਸਨ। ਜਿਨ੍ਹਾਂ ਦੇ 6 ਅਪ੍ਰੈਲ ਨੂੰ ਜਦੋਂ ਸਿਹਤ ਵਿਭਾਗ ਵਲੋਂ ਟੈਸਟ ਲਏ ਗਏ ਤਾਂ ਉਹ ਪੌਜਿਟਿਵ ਪਾਏ ਗਏ ਸਨ ਉਕਤ ਔਰਤਾਂ ਦੇ ਟੈਸਟ ਪੌਜਿਟਿਵ ਆਉਣ ਉਪਰੰਤ ਉਨ੍ਹਾਂ ਦੇ ਸੰਪਰਕ ‘ਚ ਆਏ ਵਿਅਕਤੀਆਂ ਦੇ ਵੀ ਟੈਸਟ ਲਏ ਗਏ ਸਨ ਜਿਨ੍ਹਾਂ ਦੇ ਟੈਸਟ ਨੈਗਟਿਵ ਪਾਏ ਗਏ ਸਨ।
