ਗਲਾਸਗੋ/ ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ)ਯੂਕੇ ਵਿੱਚ ਇੱਕ ਇੱਕ ਸਾਬਕਾ ਸਮੁੰਦਰੀ ਸੈਨਿਕ ਨੇ ਸਫਲਤਾਪੂਰਵਕ ਐਟਲਾਂਟਿਕ ਮਹਾਂਸਾਗਰ ਨੂੰ ਇਕੱਲੇ ਨੇ ਬਿਨਾਂ ਕਿਸੇ ਦੀ ਸਹਾਇਤਾ ਦੇ ਪਾਰ ਕੀਤਾ ਹੈ।ਡੇਵ “ਡਿੰਗਰ” ਬੈੱਲ ਨਾਮ ਦੇ ਇਸ ਵਿਅਕਤੀ ਨੇ ਐਟਲਾਂਟਿਕ ਮਹਾਂਸਾਗਰ ਨੂੰ ਪਾਰ ਕਰਨ ਲਈ ਨਿਊਯਾਰਕ ਤੋਂ ਯੂਕੇ ਦੀ ਯਾਤਰਾ ਕਰਦਿਆਂ 119 ਦਿਨ ਬਿਤਾਏ। ਆਪਣਾ ਸਫਰ ਪੂਰਾ ਕਰਦਿਆਂ ਡੇਵ ਐਤਵਾਰ ਦੁਪਹਿਰ ਨੂੰ ਨਿਊਲਿਨ, ਕੌਰਨਵਾਲ ਵਿਖੇ ਪਹੁੰਚਿਆ। ਇੱਥੇ ਪਹੁੰਚਣ ‘ਤੇ ਡੇਵ ਦਾ ਉਸਦੇ ਪਰਿਵਾਰ, ਦੋਸਤਾਂ ਅਤੇ ਹੋਰਾਂ ਵੱਲੋਂ ਨਿਊਲਿਨ ਹਾਰਬਰ ਵਿਖੇ ਧੂਮਧਾਮ ਨਾਲ ਸਵਾਗਤ ਕੀਤਾ ਗਿਆ। ਆਪਣੀ ਇਸ ਚੁਣੌਤੀਆਂ ਭਰੀ ਯਾਤਰਾ ਦੌਰਾਨ ਡੇਵ ਨੇ ਕਾਫੀ ਸੰਘਰਸ਼ ਕੀਤਾ। ਜਿਸ ਵਿੱਚ ਉਸਨੇ ਤੂਫਾਨਾਂ, ਜੈਲੀਫਿਸ਼ ਦੇ ਡੰਗਾਂ ਆਦਿ ਦਾ ਸਾਹਮਣਾ ਕੀਤਾ।
ਡੇਵ ਨੇ ਆਪਣੇ ਆਖਰੀ ਪੜਾਵਾਂ ‘ਤੇ ਤੇਜ਼ ਹਵਾਵਾਂ ਦਾ ਸਾਹਮਣਾ ਕੀਤਾ ਜਿਸ ਕਾਰਨ ਉਸਨੂੰ ਆਪਣੀ ਮੰਜ਼ਿਲ ਨੂੰ ਫਾਲਮਾਊਥ ਤੋਂ ਨਿਊਲਿਨ ਵੱਲ ਬਦਲਣਾ ਪਿਆ। ਆਪਣੇ ਸਫਰ ਦੇ ਆਖਰੀ 40 ਘੰਟੇ ਉਸਨੇ ਬਿਨਾਂ ਰੁਕੇ ਸਫਰ ਕੀਤਾ ਅਤੇ ਪਿਛਲੇ ਤਿੰਨ ਮੀਲ ਦੇ ਲਈ, ਇੱਕ ਰਾਇਲ ਨੈਸ਼ਨਲ ਲਾਈਫਬੋਟ ਇੰਸਟੀਚਿਊਸ਼ਨ ਦੀ ਲਾਈਫਬੋਟ ਉਸਨੂੰ ਮਾਰਗ ਦਰਸ਼ਨ ਕਰਨ ਲਈ ਭੇਜੀ ਗਈ। ਡੇਵ ਅਨੁਸਾਰ ਉਸਦੀ ਇਸ ਕੋਸ਼ਿਸ਼ ਦਾ ਉਦੇਸ਼ ਦੋ ਚੈਰਿਟੀਜ਼ ਸਪੈਸ਼ਲ ਬੋਟ ਸਰਵਿਸ ਐਸੋਸੀਏਸ਼ਨ ਅਤੇ ਰੌਕ 2 ਰਿਕਵਰੀ, ਯੂਕੇ ਲਈ ਫੰਡ ਇਕੱਠਾ ਕਰਨ ਦਾ ਹੈ।
