ਮੋਹਾਲੀ, ਮੀਡੀਆ ਬਿਊਰੋ:
ਸਿੱਖ ਧਰਨਾਕਾਰੀਆਂ ਨੇ ਬੁੱਧਵਾਰ ਨੂੰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਇਮਾਰਤ ਦਾ ਮੁੱਖ ਗੇਟ ਬੰਦ ਕਰ ਦਿੱਤਾ। ਮਾਮਲਾ ਬਾਰ੍ਹਵੀੰ ਜਮਾਤ ਦੀਆਂ ਇਤਿਹਾਸ ਦੀਆਂ ਕੁੰਜੀਆਂ ‘ਚ ਸਿੱਖ ਗੁਰੂ ਸਾਹਿਬਾਨ ਬਾਰੇ ਭੱਦੀ ਸ਼ਬਦਾਵਲੀ ਦਾ ਜਿਸ ਕਰਕੇ ਇਥੇ ਕਰੀਬ ਢਾਈ ਮਹੀਨਿਆਂ ਤੋੰ ਲਗਾਤਾਰ ਧਰਨਾ ਚੱਲ ਰਿਹਾ।
ਸਵੇਰ ਸਾਰ ਗੇਟ ਬੰਦ ਹੋਣ ਕਾਰਨ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਮੁਲਾਜ਼ਮ ਦਫਤਰ ਦੇ ਅੰਦਰ ਨਹੀਂ ਜਾ ਸਕੇ ਜਦਕਿ ਰੋਜ਼ ਮੱਰਾ ਦੇ ਕੰਮ ਕਰਵਾਉਣ ਵਾਲੇ ਲੋਕਾਂ ਨੂੰ ਵੀ ਭਾਰੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ। ਧਰਨਾਕਾਰੀਆਂ ਦੀ ਅਗਵਾਈ ਕਰ ਰਹੇ ਬਲਦੇਵ ਸਿੰਘ ਸਿਰਸਾ ਨੇ ਕਿਹਾ ਕਿਹਾ ਜਾਂਚ ਦੇ ਨਾਂਅ ‘ਤੇ ਪੰਜਾਬ ਸਰਕਾਰ ਇਸ ਮਸਲੇ ਨੂੰ ਲਟਕਾ ਰਹੀ ਹੈ ਜਿਸ ਨੂੰ ਬਰਦਾਸ਼ਤ ਨਹੀੰ ਕੀਤਾ ਜਾਵੇਗਾ।
