ਕੈਲੀਫੋਰਨੀਆ(ਹੁਸਨ ਲੜੋਆ ਬੰਗਾ)ਸੈਕਰਾਮੈਂਟੋ, ਕੈਲੀਫੋਰਨੀਆਂ ਦੇ ਮਸ਼ਹੂਰ ਸੁਨਿਆਰੇ “ਚੀਨਾ ਜਿਊਲਰਜ਼” ਨੂੰ ਬੜੇ ਢੰਗ ਨਾਲ ਗਏ ਦਿਨ ਲੁਟਿਆ ਗਿਆ ਇਸ ਦੌਰਾਨ ਚੋਰ ਕਰੋੜਾਂ ਦਾ ਸੋਨਾ ਤੇ ਗਹਿਣੇ ਲੁੱਟ ਕੇ ਲੈ ਗਏ। ਇਸ ਚੋਰੀ ਨੂੰ ਚੋਰਾਂ ਨੇ ਬੜੀ ਤਰਤੀਬ ਨਾਲ ਅੰਜਾਂਮ ਦਿੱਤਾ। ਚੋਰਾਂ ਦੀ ਇਹ ਕਰੀਬ ਮਿਲੀਅਨ ਡਾਲਰ ਦੀ ਚੋਰੀ ਕੈਮਰਿਆਂ ਵਿੱਚ ਵੀ ਕੈਦ ਹੋ ਗਈ।
ਚੀਨਾ ਜਿਊਲਰਜ ( ਸੇਫ ਕੱਟੀ ਹੋਈ) 
ਚੀਨਾ ਜਿਊਲਰਜ ( ਖਾਲੀ ਕੀਤੇ ਸੋਨੇ ਦੇ ਸੈਟਾਂ ਦੇ ਕੇਸ ਤੇ ਖਿਲਰਿਆ ਸਮਾਨ) 
ਪੁਲਿਸ ਅਨੁਸਾਰ ਲੁਟੇਰੇ ਰਾਤ 11 -12 ਵਜੇ ਦਰਮਿਆਨ ਆਏ ਤੇ ਉਹ ਛੱਤ ਨੂੰ ਕਟਣ ਲੱਗੇ ਪਰ ਕਿਸੇ ਗੱਲ ਤੋਂ ਡਰ ਕੇ ਵਾਪਿਸ ਮੁੜ ਗਏ ਫਿਰ ਦੁਬਾਰਾ 4 ਕੁ ਵਜੇ ਦਰਮਿਆਨ ਆਏ ਤੇ ਛੱਤ ਨੂੰ ਤਿੰਨਾਂ ਥਾਵਾਂ ਤੋਂ ਕੱਟਕੇ 4 ਜਣੇ ਅੰਦਰ ਵੜ ਗਏ। ਪਹਿਲਾਂ ਉਨਾਂ ਨੇ ਸਾਰੇ ਕੈਮਰੇ ਭੰਨੇ ਤੇ ਨਾਲ ਲਿਆਂਦੇ ਗੈਸ ਸਿਲੰਡਰ ਨਾਲ ਵੱਡਾ ਸੇਫ਼ ਕਟਕੇ ਕਰੋੜਾਂ ਦਾ ਮਾਲ ਲੈ ਗਏ। ਜਿਸ ਵਿਚ ਡਾਇਮੰਡ, ਸੋਨਾ, ਚਾਂਦੀ ਤੇ ਗਹਿਣੇ ਸ਼ਾਮਿਲ ਹਨ। ਲੁਟੇਰੇ ਪਿਛਲਾ ਦਰਵਾਜ਼ਾ ਕਟਕੇ ਬਾਹਰ ਨਿਕਲ ਗਏ।
ਜਾਣਕਾਰੀ ਦਿੰਦਿਆਂ ਚੀਨਾ ਜਿਊਲਰ ਦੇ ਮਾਲਕ ਇੰਦਰਜੀਤ ਸਿੰਘ ਜੋ ਸਮਾਜਿਕ ਕੰਮਾਂ ਚ ਹਿੱਸਾ ਵੀ ਲੈਂਦੇ ਹਨ ਨੇ ਦੱਸਿਆ ਕਿ ਹਰ ਰੋਜ ਵਾਂਗ ਉਹ ਕੰਮ ਨਿਬੇੜ ਕਿ ਘਰ ਗਏ ਸਨ ਤੇ ਜਦੋਂ ਉਹ ਸਵੇਰੇ ਦੂਸਰੇ ਦਿਨ ਕੰਮ ਤੇ ਆਏ ਤਾਂ ਇਹ ਸਭ ਕੁਝ ਦੇਖ ਕੇ ਹੈਰਾਨ ਪ੍ਰੇਸ਼ਾਨ ਹੋ ਗਏ ਤੇ ਉਸਤੋਂ ਬਾਅਦ ਉਨਾਂ ਪੁਲਿਸ ਨੂੰ ਸੂਚਨਾਂ ਦਿੱਤੀ ਤੇ ਬਾਦ ਚ ਕਾਫੀ ਸਮਾਂ ਪੁਲੀਸ ਨੇ ਤਫਦੀਸ਼ ਕੀਤੀ ਤੇ ਅਜੇ ਵੀ ਪੁਲੀਸ ਤਫਦੀਸ਼ ਚ ਲੱਗੀ ਹੋਈ ਹੈ ਥਾਂ ਥਾਂ ਤੋਂ ਫਿੰਗਰ ਪ੍ਰਿੰਟ ਲਏ ਗਏ ਹਨ। ਉਹਨਾਂ ਕਿਹਾ ਕਿ ਸਾਡਾ ਸਾਰਾ ਪਰਿਵਾਰ ਇਥੇ ਹੀ ਕੰਮ ਕਰਦਾ ਸੀ।
