ਅੰਮ੍ਰਿਤਸਰ (ਮੀਡੀਆ ਬਿਊਰੋ) ਕੋਵਿਡ-19 ਦੇ ਨੋਡਲ ਅਧਿਕਾਰੀ ਕਮ ਵਧੀਕ ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਡਾ. ਹਿਮਾਸ਼ੂੰ ਅਗਰਵਾਲ ਨੇ ਜਿਲ੍ਹੇ ਦੇ ਸਾਰੇ ਸਕੈਨਿੰਗ ਸੈਂਟਰ ਜਿੰਨਾ ਵਿਚ ਐਕਸ-ਰੇਅ ਅਤੇ ਐਮ. ਆਰ. ਆਈ ਦੇ ਟੈਸਟ ਕੀਤੇ ਜਾਂਦੇ ਹਨ, ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਆਪਣੇ ਕੋਲ ਆਉਣ ਵਾਲੇ ਹਰੇਕ ਮਰੀਜ਼, ਜਿਸਦੇ ਲੱਛਣ ਕੋਰੋਨਾ-19 ਨਾਲ ਮਿਲਦੇ ਹੋਣ, ਦਾ ਡੈਟਾ ਜਿਲ੍ਹਾ ਪ੍ਰਸ਼ਾਸ਼ਨ ਨੂੰ ਦੇਣ, ਤਾਂ ਜੋ ਅਜਿਹੇ ਮਰੀਜਾਂ ਦੇ ਕੋਰੋਨਾ ਟੈਸਟ ਕਰਵਾ ਕੇ ਉਨਾਂ ਨੂੰ ਇਕਾਂਤਵਾਸ ਕਰਨ ਦੇ ਨਾਲ-ਨਾਲ ਉਨਾਂ ਦਾ ਇਲਾਜ ਕੀਤਾ ਜਾ ਸਕੇ। ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਅੰਮ੍ਰਿਤਸਰ ਦੇ ਪ੍ਰਧਾਨ ਨੂੰ ਲਿੱਖੇ ਪੱਤਰ ਵਿਚ ਡਾ. ਹਿਮਾਸ਼ੂੰ ਨੇ ਖਦਸ਼ਾ ਜ਼ਾਹਿਰ ਕੀਤਾ ਕਿ ਜਿਲ੍ਹਾ ਪ੍ਰਸ਼ਾਸਨ ਨੂੰ ਇਹ ਪਤਾ ਲੱਗਾ ਹੈ ਕਿ ਕੁੱਝ ਲੋਕ ਜਿੰਨਾ ਵਿਚ ਕੋਰੋਨਾ ਦੇ ਲੱਛਣ ਹੁੰਦੇ ਹਨ, ਉਹ ਕੋਰੋਨਾ ਲਈ ਨਿਰਧਾਰਤ ਟੈਸਟ, ਜਿਵੇਂ ਕਿ ਆਰ ਟੀ ਪੀ ਸੀ ਆਰ ਜਾਂ ਆਰ. ਏ. ਟੀ. ਨਾ ਕਰਵਾ ਕੇ ਐਕਸਰੇ ਅਤੇ ਐਮ. ਆਰ. ਆਈ. ਆਦਿ ਕਰਵਾ ਕੇ ਆਪਣੇ-ਆਪ ਨੂੰ ਧਰਵਾਸ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਅਜਿਹਾ ਕਰਕੇ ਉਹ ਨਾ ਕੇਵਲ ਆਪਣੀ ਅਤੇ ਆਪਣੇ ਪਰਿਵਾਰ ਦੀ ਜਾਨ ਨਾਲ ਖੇਡ ਰਹੇ ਹਨ, ਬਲਕਿ ਘਰ ਵਿਚ ਇਕਾਂਤਵਾਸ ਨਾ ਰਹਿ ਕੇ ਕੋਰੋਨਾ ਦੀ ਬਿਮਾਰੀ ਨੂੰ ਫੈਲਾ ਰਹੇ ਹਨ।
ਇਸ ਲਈ ਅਜਿਹੇ ਲੋਕਾਂ ਦੀਆਂ ਗਤੀਵਿਧੀਆਂ ਨੂੰ ਰੋਕਣ ਦੇ ਨਾਲ-ਨਾਲ ਇੰਨਾ ਦਾ ਇਲਾਜ ਕਰਵਾਉਣਾ ਜ਼ਰੂਰੀ ਹੈ। ਉਨਾਂ ਸਾਰੇ ਸਕੈਨਿੰਗ ਕੇਂਦਰਾਂ ਨੂੰ ਕਿਹਾ ਕਿ ਉਹ ਅਜਿਹੇ ਮਰੀਜ਼ ਜਿੰਨਾ ਵਿਚ ਕੋਵਿਡ-19 ਦੇ ਲੱਛਣ ਵਿਖਾਈ ਦੇਣ, ਦੀ ਸੂਚਨਾ ਜਿਲ੍ਹਾ ਪ੍ਰਸ਼ਾਸ਼ਨ ਨੂੰ ਈ-ਮੇਲ amritsarcontrolroom@gmail.com ਅਤੇ nrhmamritsar@gmail.com ਉਤੇ ਤਰੁੰਤ ਦੇਣ, ਤਾਂ ਜੋ ਕੋਰੋਨਾ ਨੂੰ ਫੈਲਣ ਤੋਂ ਰੋਕਿਆ ਜਾ ਸਕੇ। ਉਨਾਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਘਰੇਲੂ ਇਕਾਂਤਵਾਸ ਲਈ ਛੋਟ ਦਿੱਤੀ ਹੋਣ ਕਾਰਨ ਹੁਣ ਕੋਈ ਵੀ ਵਿਅਕਤੀ, ਜਿੰਨਾ ਵਿਚ 60 ਸਾਲ ਤੋਂ ਵੱਧ ਉਮਰ ਦੇ ਬਜ਼ੁਰਗ ਅਤੇ ਗਰਭਵਤੀ ਮਹਿਲਾਵਾਂ ਵੀ ਸ਼ਾਮਿਲ ਹਨ, ਕੋਰੋਨਾ ਟੈਸਟ ਦੇ ਪਾਜ਼ੀਟਵ ਆਉਣ ਉਤੇ ਆਪਣੇ ਘਰ ਵਿਚ ਇਕਾਂਤਵਾਸ ਰਹਿ ਸਕਦੇ ਹਨ, ਬਸ਼ਰਤੇ ਕਿ ਉਨਾਂ ਦੀ ਸਿਹਤ ਠੀਕ ਹੋਵੇ ਤੇ ਘਰ ਵਿਚ ਰਹਿਣ ਲਈ ਵੱਖਰਾ ਸਥਾਨ ਹੋਵੇ। ਡਾ. ਹਿਮਾਸ਼ੂੰ ਨੇ ਕਿਹਾ ਕਿ ਲੋਕ ਕੋਰੋਨਾ ਟੈਸਟ ਕਰਵਾਉਣ ਉਪਰੰਤ ਭਾਵੇਂ ਆਪਣੇ ਘਰ ਹੀ ਰਹਿ ਰਹੇ ਹੋਣ, ਪਰ ਸਾਡੇ ਧਿਆਨ ਵਿਚ ਹੋਣਗੇ ਤਾਂ ਅਸÄ ਕਿਸੇ ਵੀ ਤਰਾਂ ਦੀ ਸਹਾਇਤਾ ਲਈ ਤਿਆਰ ਰਹਾਂਗੇ ਅਤੇ ਜੇਕਰ ਅਜਿਹਾ ਨਹÄ ਹੋਵੇਗਾ ਤਾਂ ਹੋ ਸਕਦਾ ਹੈ ਕਿ ਸਾਡੀ ਟੀਮ ਤੁਹਾਡੀ ਸਮੇਂ ਸਿਰ ਸਹਾਇਤਾ ਨਾ ਕਰ ਸਕੇ। ਇਸ ਲਈ ਜ਼ਰੂਰੀ ਹੈ ਕਿ ਹਰੇਕ ਸ਼ੱਕੀ ਵਿਅਕਤੀ ਆਪਣਾ ਟੈਸਟ ਕਰਵਾਏ।
