ਫਰਿਜ਼ਨੋ,ਕੈਲੀਫੋਰਨੀਆਂ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) ਅਮਰੀਕਾ ਵਿੱਚ ਮੁੱਕੇਬਾਜ਼ੀ ਦੇ ਖੇਤਰ ‘ਚ ਆਪਣਾ ਨਾਮ ਚਮਕਾਉਣ ਵਾਲੇ ਮੁੱਕੇਬਾਜ਼ ਲਿਓਨ ਸਪਿੰਕਸ 67 ਸਾਲ ਦੀ ਉਮਰ ਵਿੱਚ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ ਹਨ। ਸਪਿੰਕਸ ਦੇ ਪਰਿਵਾਰਕ ਦੋਸਤ ਜੋ ਬਰਨਾਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 67 ਸਾਲਾਂ ਸਾਬਕਾ ਮੁੱਕੇਬਾਜ਼ ਨੇ ਸ਼ੁੱਕਰਵਾਰ ਦੀ ਰਾਤ ਨੂੰ ਹੈਂਡਰਸਨ, ਨੇਵਾਡਾ ਵਿੱਚ ਉਸਦੇ ਘਰ ਨੇੜਲੇ ਇੱਕ ਹਸਪਤਾਲ ਵਿੱਚ ਆਪਣਾ ਆਖਰੀ ਸਾਹ ਲਿਆ ਜੋ ਕਿ ਕਈ ਸਾਲਾਂ ਤੋਂ ਪ੍ਰੋਸਟੇਟ ਕੈਂਸਰ ਨਾਲ ਪੀੜਤ ਸਨ। ਸਪਿੰਕਸ ਨੇ 1978 ਵਿੱਚ ਮੁੱਕੇਬਾਜੀ ‘ਚ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਕਰਨ ਤੋਂ ਪਹਿਲਾਂ ਸਮੁੰਦਰੀ ਸੈਨਾ ਵਿੱੱਚ ਸੇਵਾ ਨਿਭਾਈ ਸੀ ।
ਉਸ ਸਮੇਂ ਸਪਿੰਕਸ ਨੇ ਮੁੱਕੇਬਾਜ਼ੀ ਦੇ ਇਤਿਹਾਸ ਵਿੱਚ ਵਿਸ਼ਵ ਹੈਵੀਵੇਟ ਦਾ ਖਿਤਾਬ ਹਾਸਲ ਕਰਨ ਲਈ ਇੱਕ ਵੱਖਰੇ ਫੈਸਲੇ ਵਿੱਚ ਮੁਹੰਮਦ ਅਲੀ ਨੂੰ ਹਰਾਇਆ ਸੀ। ਇਸਦੇ ਬਾਅਦ ਸਪਿੰਕਸ ਦੀ ਮੁਸਕਰਾਹਟ ਉਸਦਾ ਟ੍ਰੇਡਮਾਰਕ ਬਣ ਗਈ ਅਤੇ ਉਸਨੇ ਇਸ ਖੇਤਰ ਵਿੱਚ ਪ੍ਰਸਿੱਧੀ ਹਾਸਿਲ ਕੀਤੀ। ਆਪਣੇ ਭਰਾ ਮਾਈਕਲ ਨਾਲ ਰੇ ਲੀਓਨਾਰਡ ਨਾਮਕ ਟੀਮ ਵਿੱਚ ਖੇਡਦਿਆਂ ਸਪਿੰਕਸ ਨੇ ਇਸਨੂੰ ਸਫਲ ਯੂ ਐਸ ਓਲੰਪਿਕ ਬਾਕਸਿੰਗ ਟੀਮ ਬਣਾਇਆ। ਇਸਦੇ ਇਲਾਵਾ ਲਿਓਨ ਸਪਿੰਕਸ ਨੇ ਮੁੱਕੇਬਾਜ਼ੀ ਨੂੰ ਇੱਕ ਪੇਸ਼ੇਵਰ ਵਜੋਂ ਖੇਡਦਿਆਂ ਆਪਣੇ ਅੱਠਵੀਂ ਪ੍ਰੋ ਮੁਕਾਬਲੇ ਵਿੱਚ, ਉਸਨੇ ਹੇਵੀ ਵੇਟ ਦੇ ਟਾਈਟਲ ਲਈ ਮਹਾਨ ਮੁੱਕੇਬਾਜ਼ ਅਲੀ ਦੇ ਵਿਰੁੱਧ ਮੁਕਾਬਲਾ ਕੀਤਾ। ਸਪਿੰਕਸ ਨੇ ਇੱਕ ਹੋਰ ਹੈਵੀਵੇਟ ਟਾਈਟਲ ਦੀ ਲੜਾਈ 1981 ਵਿੱਚ ਲੈਰੀ ਹੋਮਸ ਵਿਰੁੱਧ ਲੜੀ ਪਰ ਉਹ ਤੀਜੇ ਗੇੜ ਵਿੱਚ ਹਾਰ ਗਿਆ। ਅਖੀਰ ਵਿੱਚ ਸਪਿੰਕਸ 1995 ‘ਚ 26-17-3 ਦੇ ਰਿਕਾਰਡ ਨਾਲ ਰਿਟਾਇਰ ਹੋਏ ਅਤੇ ਸਪਿੰਕਸ ਦਾ ਨਾਮ 2017 ਵਿੱਚ ਨੇਵਾਦਾ ਬਾਕਸਿੰਗ ਹਾਲ ਆਫ ਫੇਮ ਵਿੱਚ ਵੀ ਸ਼ਾਮਿਲ ਕੀਤਾ ਗਿਆ ਸੀ।
