ਨਾਭਾ (ਤਰੁਣ ਮਹਿਤਾਂ) ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਦੌਰਾਨ ਰੋਜ਼ਾਨਾ ਹੀ ਹਜ਼ਾਰਾਂ ਕੀਮਤੀ ਜਾਨਾਂ ਜਾ ਰਹੀਆ ਹਨ। ਜਿਸ ‘ਚ ਆਪਣਾ ਫਰਜ਼ ਨਿਭਾਉਣ ਵਾਲੇ ਕੋਰੋਨਾ ਯੋਧਾ ਵਿੱਚ ਸ਼ਾਮਲ ਹਨ। ਨਾਭਾ ਤੋਂ ਪਿਛਲੇ 35 ਸਾਲ ਤੋਂ ਪੱਤਰਕਾਰੀ ਰਾਹੀ ਸੇਵਾ ਨਿਭਾ ਰਹੇ ਰਾਜਿੰਦਰ ਸਿੰਘ ਕਪੂਰ ਸ਼ੁੱਕਰਵਾਰ ਨੂੰ ਕੋਰੋਨਾ ਹੱਥੋਂ ਜੰਗ ਹਾਰ ਗਏ। ਰਾਜਿੰਦਰ ਸਿੰਘ ਕਪੂਰ ਕਾਫ਼ੀ ਬਜ਼ਰੁਗ ਹੋਣ ਦੇ ਬਾਵਜੂਦ ਕੋਰੋਨਾ ਸਮੇਂ ਦੌਰਾਨ ਫੀਲਡ ‘ਚ ਆਪਣਾ ਫਰਜ਼ ਨਿਭਾਉਂਦੇ ਰਹੇ। ਜੋ ਕੁਝ ਦਿਨ ਪਹਿਲਾਂ ਹੀ ਉਹ ਪਾਉਂਟਾ ਸਾਹਿਬ ਆਪਣੇ ਸਪੁੱਤਰ ਕੋਲ ਮਿਲਣ ਗਏ ਸਨ, ਜਿੱਥੇ ਉਹ ਕੋਰੋਨਾ ਪਾਜ਼ੇਟਿਵ ਪਾਏ ਗਏ, ਜਿਨ੍ਹਾਂ ਦੀ ਤਬੀਅਤ ਵਿਗੜਨ ਤੋਂ ਬਾਅਦ ਕੁਰਕਸ਼ੇਤਰ ਰੈਫਰ ਕੀਤੇ ਗਏ ਅਤੇ ਉਥੇ ਉਹ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਏ, ਜੋ ਕਿ ਦੋ ਨਿੱਜੀ ਅਦਾਰੇ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਉਹ ਆਪਣਾ ਹਫਤਾਵਾਰੀ ਅਖ਼ਬਾਰ ਵੀ ਕੱਢ ਰਹੇ ਸਨ।
ਅਚਾਨਕ ਹੋਈ ਇਸ ਮੌਤ ਤੋਂ ਬਾਅਦ ਪੂਰੇ ਪੱਤਰਕਾਰ ਭਾਈਚਾਰੇ ਅਤੇ ਇਲਾਕੇ ‘ਚ ਸੋਗ ਦੀ ਲਹਿਰ ਹੈ। ਪ੍ਰਸ਼ਾਸਨ ਵਲੋਂ ਕੀਤੇ ਸਹਿਯੋਗ ਤਹਿਤ ਰਾਜਿੰਦਰ ਸਿੰਘ ਕਪੂਰ ਦੀ ਮ੍ਰਿਤਕ ਦੇਹ ਕੁਰਕਸ਼ੇਤਰ ਤੋਂ ਨਾਭਾ ਲਿਆਉਂਦਾ ਗਿਆ ਜਿੱਥੇ ਸਿਹਤ ਵਿਭਾਗ ਦੀ ਟੀਮ ਦੀ ਦੇਖ ਰੇਖ ਹੇਠ ਪਰਿਵਾਰ ਵਲੋਂ ਅੰਤਿਮ ਸੰਸਕਾਰ ਕੀਤਾ ਗਿਆ। ਇਸ ਮੌਕੇ ਪਰਿਵਾਰ ਨਾਲ ਕੈਬਨਿਟ ਮੰਤਰੀ ਸਾਧੂ ਸਿੰਘ ਧਰਮਸੋਤ, ਰਜਨੀਸ਼ ਮਿਤਲ ਸੈਂਟੀ ਸਾਬਕਾਂ ਪ੍ਰਧਾਨ ਨਗਰ ਕੌਸਲ,ਚੇਅਰਮੈਨ ਅਮਰਦੀਪ ਸਿੰਘ ਖੰਨਾ, ਹਲਕਾ ਇੰਚਾਰਜ ਕਬੀਰਦਾਸ, ਮੱਖਣ ਸਿੰਘ ਲਾਲਕਾ,ਅਤੇ ਸਮੂਹ ਪੱਤਰਕਾਰ ਭਾਈਚਾਰਾ, ਵੱਖ-ਵੱਖ ਸਮਾਜਿਕ ਅਤੇ ਧਾਰਮਿਕ ਸੰਸਥਾਵਾ ਵੱਲੋਂ ਦੁੱਖ ਜ਼ਾਹਿਰ ਕੀਤਾ ਗਿਆ।
