ਵਾਸ਼ਿੰਗਟਨ (ਹੁਸਨ ਲੜੋਆ ਬੰਗਾ)- ਅਮਰੀਕਾ ਵਿਚ ਕੋਰੋਨਾ ਵਾਇਰਸ ‘ਪਹਿਲਾਂ ਆਓ ਪਹਿਲਾਂ ਪਾਓ’ ਦੇ ਆਧਾਰ ਉਪਰ ਨਹੀਂ ਦਿੱਤੀ ਜਾਵੇਗੀ ਤੇ ਵੈਕਸੀਨ ਦਾ ਮਤਲਬ ਜਿਆਦਾ ਤੋਂ ਜਿਆਦਾ ਜਾਨਾਂ ਬਚਾਉਣਾ ਤੇ ਬਿਮਾਰੀ ਨੂੰ ਘੱਟ ਕਰਨਾ ਹੈ। ਇਹ ਪ੍ਰਗਟਾਵਾ ਨੈਸ਼ਨਲ ਅਕੈਡਮੀਜ਼ ਆਫ ਸਾਇੰਸ, ਮੈਡੀਸੀਨ ਐਂਡ ਇੰਜੀਨੀਅਰਿੰਗ ਵੱਲੋਂ ਜਾਰੀ ਇਕ ਰਿਪੋਰਟ ਵਿਚ ਕੀਤਾ ਗਿਆ ਹੈ।
ਇਸ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੋਰੋਨਾ ਨਾਲ ਮੋਹਰੇ ਹੋ ਕੇ ਲੜ ਰਹੇ ਵਰਕਰਾਂ ਨੂੰ ਸਭ ਤੋਂ ਜਿਆਦਾ ਜੋਖ਼ਮ ਹੈ। ਇਸ ਲਈ ਸਿਹਤ ਕਾਮਿਆਂ, ਅੱਗ ਬੁਝਾਊ ਕਾਮੇ ਤੇ ਪੁਲਿਸ ਮੁਲਾਜ਼ਮਾਂ ਨੂੰ ਵੈਕਸੀਨ ਦੇਣ ਲਈ ਤਰਜੀਹ ਦਿੱਤੀ ਜਾਵੇਗੀ। ਇਸ ਤੋਂ ਬਾਅਦ ਹਰ ਉਮਰ ਦੇ ਲੋਕਾਂ ਲਈ ਇਹ ਉਪਲਬੱਧ ਹੋਵੇਗੀ। ਰਿਪੋਰਟ ਅਨੁਸਾਰ ਸ਼ੁਰੂ ਵਿਚ ਵੈਕਸੀਨ ਦੀ ਮਾਤਰਾ ਥੋਹੜੀ ਹੋਵੇਗੀ ਤੇ ਇਹ ਕੇਵਲ 3 ਤੋਂ 4% ਆਬਾਦੀ ਨੂੰ ਹੀ ਦਿੱਤੀ ਜਾ ਸਕੇਗੀ।
