ਗਲਾਸਗੋ / ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ)ਬਰਤਾਨਵੀ ਰਾਜਧਾਨੀ ਲੰਡਨ ਵਿੱਚ ਇੱਕ 13 ਸਾਲਾਂ ਲੜਕੀ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਅਦਾਲਤ ਵੱਲੋਂ ਇੱਕ ਵਿਅਕਤੀ ਨੂੰ 20 ਸਾਲਾਂ ਲਈ ਕੈਦ ਦੀ ਸਜਾ ਸੁਣਾਈ ਹੈ। ਇਸ 26 ਸਾਲਾਂ ਦੋਸ਼ੀ ਕਾਡਿਅਨ ਨੈਲਸਨ ਨੂੰ ਗਵਾਹਾਂ ਦੁਆਰਾ ਇੱਕ ਗਲੀ ਵਿੱਚ ਵਾਰਦਾਤ ਮੌਕੇ ਇੱਕ ਵੀਡੀਓ ਪੋਸਟ ਕਰਨ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਸੀ। ਬਾਅਦ ਵਿੱਚ ਨੈਲਸਨ ਨੇ ਬਲਾਤਕਾਰ, ਅਗਵਾ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਦਾ ਦੋਸ਼ ਕਬੂਲ ਕੀਤਾ ਅਤੇ ਉਸਨੂੰ 20 ਸਾਲ ਦੀ ਸਜ਼ਾ ਸੁਣਾਈ ਗਈ, ਜਿਸ ਵਿੱਚੋਂ ਘੱਟੋ ਘੱਟ 12 ਉਹ ਸਲਾਖਾਂ ਦੇ ਪਿੱਛੇ ਬਿਤਾਏਗਾ। ਇਸ ਘਟਨਾ ਵਿੱਚ ਦੱਖਣੀ ਲੰਡਨ ਦੇ ਮਿਚਮ ਇਲਾਕੇ ਵਿੱਚ ਨੈਲਸਨ ਵੱਲੋਂ 3 ਨਵੰਬਰ ਨੂੰ ਇੱਕ ਸਕੂਲ ਜਾ ਰਹੀ ਲੜਕੀ ਨਾਲ ਧੱਕੇਸ਼ਾਹੀ ਕਰਨ ਲੱਗਾ।
ਉਕਤ ਲੜਕੀ ਆਪਣੀ ਦੋਸਤ ਨੂੰ ਫੋਨ ਕਾਲ ਕਰਦੀ ਹੋਈ ਜਾ ਰਹੀ ਸੀ। ਫੋਨ ਕਾਲ ਅਜੇ ਜੁੜੀ ਹੋਈ ਸੀ ਅਤੇ ਲੜਕੀ ਦੇ ਦੋਸਤ ਨੂੰ ਉਸ ਦੁਆਰਾ ਕੀਤੀਆਂ ਜਾ ਰਹੀਆਂ ਮਿੰਨਤਾਂ ਸੁਣ ਰਹੀਆਂ ਸਨ। ਇਹ ਸਾਰੀ ਘਟਨਾ ਨਾ ਸਿਰਫ ਇੱਕ ਸੀ ਸੀ ਟੀ ਵੀ ਵਿੱਚ ਰਿਕਾਰਡ ਹੋਈ, ਬਲਕਿ ਉਸੇ ਰਸਤੇ ਜਾ ਰਹੀ 10 ਸਾਲਾ ਲੜਕੀ ਨੇ ਵੀ ਇਸਨੂੰ ਵੇਖਿਆ ਸੀ। ਇਸ ਛੋਟੀ ਬੱਚੀ ਨੇ ਫਿਰ ਆਪਣੀ ਵੱਡੀ ਭੈਣ ਨੂੰ ਬੁਲਾਇਆ, ਜਿਸਨੇ ਫਿਰ ਪੁਲਿਸ ਨੂੰ ਸੱਦਿਆ। ਨੇਲਸਨ ਨੇ 13 ਸਾਲਾਂ ਬੱਚੀ ਨੂੰ ਗਲੀ ਵਿੱਚ ਲਿਜਾ ਕੇ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ। 10 ਸਾਲਾਂ ਲੜਕੀ ਦੀ ਵੱਡੀ ਭੈਣ ਨੇ ਇਸ ਦੌਰਾਨ ਦਖਲ ਦਿੰਦਿਆਂ ਨੈਲਸਨ ਨੂੰ ਰੋਕਿਆ ਅਤੇ ਗੱਲਬਾਤ ਕਰਦਿਆਂ ਹੀ ਉੱਥੋਂ ਭੱਜ ਗਿਆ। ਨੈਲਸਨ ਨੂੰ ਬਾਅਦ ਵਿੱਚ ਉਸੇ ਦਿਨ ਹੀ ਗ੍ਰਿਫਤਾਰ ਕੀਤਾ ਗਿਆ। ਨੈਲਸਨ ਨੂੰ ਕਿੰਗਸਟਨ ਕਰਾਊਨ ਕੋਰਟ ਨੇ ਜਿਨਸੀ ਸ਼ੋਸ਼ਣ ਦੇ ਅਪਰਾਧ ਲਈ 20 ਸਾਲ ਦੀ ਸਜਾ ਦਿੱਤੀ ਹੈ। ਇਸਦੇ ਇਲਾਵਾ ਉਸਨੂੰ ਉਮਰ ਭਰ ਲਈ ਸੈਕਸ ਅਪਰਾਧੀਆਂ ਦੇ ਰਜਿਸਟਰ ਵਿੱਚ ਵੀ ਰੱਖਿਆ ਗਿਆ ਹੈ।
