ਸੈਕਰਾਮੈਂਟੋ (ਹੁਸਨ ਲੜੋਆ ਬੰਗਾ)- ”ਸੈਵਨ ਬ੍ਰਾਈਡਜ਼ ਫਾਰ ਸੈਵਨ ਬ੍ਰਦਰਜ਼’ , ਰਾਇਲ ਵੈਡਿੰਗ ਤੇ ਹੋਰ ਫਿਲਮਾਂ ਵਿਚ ਯਾਦਗਾਰੀ ਭੂਮਿਕਾ ਨਿਭਾਉਣ ਵਾਲੀ ਪ੍ਰਸਿੱਧ ਅਦਾਕਾਰਾ ਜੇਨ ਪਾਵੇਲ 92 ਸਾਲ ਦੀ ਉਮਰ ਵਿਚ ਆਪਣੇ ਚਹੇਤਿਆਂ ਨੂੰ ਅਲਵਿਦਾ ਕਹਿ ਗਈ। ਪਾਵੇਲ ਦੇ ਲੰਬਾ ਸਮਾਂ ਮਿੱਤਰ ਰਹੇ ਸੂਸਾਨ ਗਰੈਂਜਰ ਨੇ ਉਸ ਦੀ ਮੌਤ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਉਸ ਨੇ ਵਿਲਟਨ, ਕੋਨੈਕਟੀਕਟ ਵਿਚ ਆਪਣੇ ਘਰ ਵਿਚ ਆਖਰੀ ਸਾਹ ਲਿਆ। ਉਹ ਕੁੱਦਰਤੀ ਮੌਤ ਮਰੀ ਹੈ ਤੇ ਕਿਸੇ ਵੀ ਬਿਮਾਰੀ ਤੋਂ ਪੀੜਤ ਨਹੀਂ ਸੀ। ਪਾਵੇਲ ਨੇ 5 ਸਾਲ ਦੀ ਉਮਰ ਵਿਚ ਪੋਰਟਲੈਂਡ, ਓਰਗੋਨ, ਵਿਚ ਰੇਡੀਓ ਉਪਰ ਗੀਤ ਗਾ ਕੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। 16 ਸਾਲ ਦੀ ਉਮਰ ਵਿਚ ਉਸ ਨੂੰ ਪਹਿਲੀ ਫਿਲਮ ਮਿਲੀ।
