ਫ਼ਰੀਦਕੋਟ, ਮੀਡੀਆ ਬਿਊਰੋ: ਢਾਈ ਦਹਾਕਿਆਂ ਤੋਂ ਭਖਦੇ ਮਸਲਿਆਂ ‘ਤੇ ਲਿਖਣ ਵਾਲੇ ਉੱਘੇ ਕਾਲਮ ਨਵੀਸ ਸੁਰਿੰਦਰ ਮਚਾਕੀ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦਾ ਸਸਕਾਰ ਅੱਜ ਦੁਪਹਿਰੇ 2 ਵਜੇ ਰਾਮਬਾਗ, ਨੇੜੇ ਗਾਂਧੀ ਸਕੂਲ, ਫ਼ਰੀਦਕੋਟ ਵਿਖੇ ਕੀਤਾ ਜਾਵੇਗਾ। ਸੁਰਿੰਦਰ ਮਚਾਕੀ ਦਾ ਜਨਮ ਫ਼ਰੀਦਕੋਟ ਜ਼ਿਲ੍ਹਾ ਦੇ ਪਿੰਡ ਪੰਜਗਰਾਈਂ ਕਲਾਂ ਵਿਖੇ 10 ਜੂਨ 1959 ਨੂੰ ਹੋਇਆ ਸੀ। ਕੰਮਕਾਰ ਦੇ ਸਿਲਸਿਲੇ ‘ਚ ਉਨ੍ਹਾਂ ਦੇ ਪਿਤਾ ਫ਼ਰੀਦਕੋਟ ਜ਼ਿਲ੍ਹੇ ਦੇ ਪਿੰਡ ਮਚਾਕੀ ਖੁਰਦ ਚਲੇ ਗਏ ਜਿਸ ਕਾਰਨ ਉਨ੍ਹਾਂ ਦੇ ਨਾਂ ਨਾਲ ਮਚਾਕੀ ਸਦਾ ਲਈ ਜੁੜ ਗਿਆ।
ਹੁਣ ਤਕ ਵੱਖ-ਵੱਖ ਅਖਬਾਰਾਂ ‘ਚ ਮਚਾਕੀ ਦੇ 1200 ਦੇ ਕਰੀਬ ਆਰਟੀਕਲ ਤੇ ਫੀਚਰ ਛਪ ਚੁੱਕੇ ਹਨ। ਉਹ ਪਿਛਲੇ ਸਾਲ 28 ਜੂਨ ਡਾਕਟਰੀ ਸਿੱਖਿਆ ਤੇ ਖੋਜ ਵਿਭਾਗ ‘ਚ ਤਕਨੀਕੀ ਕਾਮੇ ਵਜੋਂ ਵਿਚਰਦਿਆਂ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ, ਫ਼ਰੀਦਕੋਟ ਤੋਂ ਸੇਵਾ ਮੁਕਤ ਹੋਏ ਸਨ।
