ਚੰਡੀਗੜ੍ਹ, ਮੀਡੀਆ ਬਿਊਰੋ:
ਚੰਡੀਗੜ੍ਹ ‘ਚ ਬਾਈਕ ਸਵਾਰ ਬਦਮਾਸ਼ ਡਿਲੀਵਰੀ ਬੁਆਏ ਤੋਂ ਮੋਬਾਈਲ ਫੋਨ ਖੋਹ ਕੇ ਫਰਾਰ ਹੋ ਗਏ। ਖਾਣਾ ਡਿਲੀਵਰ ਕਰਨ ਵਾਲਾ ਨੌਜਵਾਨ ਸਾਈਕਲ ‘ਤੇ ਆਪਣੀ ਮੰਜ਼ਿਲ ਵੱਲ ਜਾ ਰਿਹਾ ਸੀ ਕਿ ਰਸਤੇ ‘ਚ ਉਸ ਨਾਲ ਮੋਬਾਈਲ ਖੋਹਣ ਦੀ ਇਹ ਘਟਨਾ ਵਾਪਰ ਗਈ। ਸੈਕਟਰ-32/33/45/46 ਦੇ ਚੌਕ ਵਿਚ ਰਾਤ ਸਮੇਂ ਉਸ ਦੀ ਸਾਈਕਲ ਚੇਨ ਫਟ ਗਈ, ਜਿਸ ਨੂੰ ਉਹ ਠੀਕ ਕਰ ਰਿਹਾ ਸੀ। ਉਦੋਂ ਬਾਈਕ ਸਵਾਰ ਦੋ ਨੌਜਵਾਨ ਉਸ ਦੇ ਕੋਲ ਆ ਕੇ ਖੜ੍ਹੇ ਹੋ ਗਏ। ਇੱਕ ਨੌਜਵਾਨ ਨੇ ਉਸਨੂੰ ਪੁੱਛਿਆ ਕਿ ਉਹ ਖਾਣੇ ਦਾ ਆਰਡਰ ਕਿੱਥੋਂ ਲੈ ਰਿਹਾ ਹੈ।
ਵਿਕਰਮ ਨੂੰ ਲੱਗਾ ਕਿ ਨੌਜਵਾਨ ਉਸ ਦੀ ਮਦਦ ਲਈ ਰੁਕੇ ਹੋਣਗੇ। ਪਰ ਬਦਮਾਸ਼ਾਂ ਦੇ ਇਰਾਦੇ ਵੱਖਰੇ ਸਨ। ਉਨ੍ਹਾਂ ਉਸ ਦੇ ਹੱਥੋਂ ਮੋਬਾਈਲ ਫੋਨ ਖੋਹ ਲਿਆ ਅਤੇ ਮੋਟਰਸਾਈਕਲ ’ਤੇ ਮੌਕੇ ਤੋਂ ਫ਼ਰਾਰ ਹੋ ਗਏ। ਪੀੜਤ ਵਿਕਰਮ ਸਿੰਘ ਵਾਸੀ ਬੁੜੈਲ ਦੀ ਸ਼ਿਕਾਇਤ ’ਤੇ ਪੁੱਜੀ ਪੁਲਿਸ ਨੇ ਮੁਲਜ਼ਮਾਂ ਦੀ ਆਸ-ਪਾਸ ਭਾਲ ਕਰਨ ਦੇ ਨਾਲ-ਨਾਲ ਸਬੰਧਤ ਥਾਣੇ ਦੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ। ਸੂਚਨਾ ਮਿਲਦੇ ਹੀ ਥਾਣਾ ਸਦਰ ਦੀ ਪੁਲਿਸ ਨੇ ਅਣਪਛਾਤੇ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ।
ਪੀੜਤ ਵਿਕਰਮ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਆਨਲਾਈਨ ਫੂਡ ਡਿਲੀਵਰੀ ਕੰਪਨੀ Swiggy ਵਿੱਚ ਕੰਮ ਕਰਦਾ ਹੈ। ਵੀਰਵਾਰ ਰਾਤ ਉਸ ਨੂੰ ਸੈਕਟਰ-45 ਤੋਂ ਸੈਕਟਰ-23 ਤਕ ਫੂਡ ਡਿਲੀਵਰੀ ਦਾ ਆਨਲਾਈਨ ਆਰਡਰ ਮਿਲਿਆ। ਉਹ ਰਾਤ 9:30 ਵਜੇ ਆਪਣੇ ਸਾਈਕਲ ‘ਤੇ ਆਰਡਰ ਲੈ ਕੇ ਰਵਾਨਾ ਹੋਇਆ ਸੀ। ਜਿਵੇਂ ਹੀ ਉਹ ਸੈਕਟਰ-32/33/45/46 ਦੇ ਚੌਕ ਕੋਲ ਪੁੱਜਾ ਤਾਂ ਉਸ ਦੇ ਸਾਈਕਲ ਦੀ ਚੇਨ ਫਟ ਗਈ। ਉਹ ਚੇਨ ਲੈ ਕੇ ਜਾ ਰਿਹਾ ਸੀ ਕਿ ਬਾਈਕ ਸਵਾਰ ਦੋ ਲੁਟੇਰੇ ਉਸ ਦਾ ਮੋਬਾਈਲ ਖੋਹ ਕੇ ਫਰਾਰ ਹੋ ਗਏ। ਵਿਕਰਮ ਨੇ ਇੱਕ ਰਾਹਗੀਰ ਦੀ ਮਦਦ ਨਾਲ ਪੁਲਿਸ ਕੰਟਰੋਲ ਰੂਮ ਵਿੱਚ ਚੋਰੀ ਦੀ ਸ਼ਿਕਾਇਤ ਕੀਤੀ। ਸੈਕਟਰ-34 ਥਾਣੇ ਦੇ ਆਲੇ-ਦੁਆਲੇ ਦੇ ਸੀ.ਸੀ.ਟੀ.ਵੀ
ਪੈਦਲ ਜਾ ਰਹੀ ਲੜਕੀ ਦਾ ਮੋਬਾਈਲ ਖੋਹਿਆ
ਇੱਥੇ ਰਾਮਦਰਬਾਰ ਦੀ ਰਹਿਣ ਵਾਲੀ ਲੜਕੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ ਸ਼ੁੱਕਰਵਾਰ ਨੂੰ ਉਹ ਆਪਣੇ ਘਰ ਵੱਲ ਜਾ ਰਹੀ ਸੀ। ਜਿਵੇਂ ਹੀ ਉਹ ਇੰਡਸਟਰੀਅਲ ਏਰੀਆ ਫੇਜ਼-2 ਸਥਿਤ ਸਟੋਰ ਨੇੜੇ ਪਹੁੰਚੀ ਤਾਂ ਇਕ ਨੌਜਵਾਨ ਉਸ ਦਾ ਮੋਬਾਈਲ ਫੋਨ ਖੋਹ ਕੇ ਫ਼ਰਾਰ ਹੋ ਗਿਆ। ਇਸ ਮਾਮਲੇ ਵਿੱਚ ਸੈਕਟਰ-31 ਥਾਣੇ ਦੀ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਸਨੈਚਿੰਗ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ।
