ਨਵਾਂਸ਼ਹਿਰ, (ਏ-ਆਰ. ਆਰ. ਐੱਸ. ਸੰਧੂ) ਸ਼੍ਰੀ ਆਨੰਦਪੁਰ ਸਾਹਿਬ ਤੋਂ ਮੈਂਬਰ ਲੋਕ ਸਭਾ, ਸਾਬਕਾ ਸੂਚਨਾ ਤੇ ਪ੍ਰਸਾਰਨ ਮੰਤਰੀ ਅਤੇ ਕਾਂਗਰਸ ਪ੍ਰਾਰਟੀ ਦੇ ਕੌਮੀ ਬੁਲਾਰੇ ਮਨੀਸ਼ ਤਿਵਾੜੀ ਨੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਇੰਡੀਅਨ ਓਵਰਸੀਜ਼ ਕਾਂਗਰਸ ਦੀ ਐਂਸੰਬਲੀ ਸਭਾ ਨੂੰ ਸੰਬੋਧਨ ਕੀਤਾ, ਜਿਸ ਵਿਚ 51 ਦੇਸ਼ਾਂ ਦੇ 109 ਨੁਮਾਇੰਦਿਆਂ ਨੇ ਹਿੱਸਾ ਲਿਆ। ਇਸ ਕਾਨਫਰੰਸ ਵਿਚ ਵਿਸ਼ੇਸ਼ ਤੌਰ ‘ਤੇ ਇੰਡੀਅਨ ਓਵਰਸੀਜ ਕਾਂਗਰਸ ਦੇ ਚੇਅਰਪਰਸਨ ਸੇਮ ਪਿਤ੍ਰੋਦਾ, ਆਈ.ਓ.ਸੀ ਯੂ.ਐਸ.ਏ ਦੇ ਪ੍ਰਧਾਨ ਮਹਿੰਦਰ ਸਿੰਘ ਗਿਲਜੀਆਂ, ਆਈ.ਓ.ਸੀ ਯੂ.ਐਸ.ਏ. ਪੰਜਾਬ ਚੈਪਟਰ ਦੇ ਪ੍ਰਧਾਨ ਗੁਰਮੀਤ ਗਿੱਲ, ਆਈ.ਓ.ਸੀ ਕੈਨੇਡਾ ਦੇ ਪ੍ਰਧਾਨ ਅਮਰਪ੍ਰੀਤ ਔਲਖ ਅਤੇ ਪੰਜਾਬ ਲਾਰਜ ਇੰਡਸਟਰੀਅਲ ਡਿਵੈਲਪਮੈਂਟ ਬੋਰਡ ਦੇ ਚੇਅਰਮੈਨ ਪਵਨ ਦੀਵਾਨ ਵਿਸ਼ੇਸ਼ ਤੌਰ ਤੇ ਮੌਜੂਦ ਸਨ ।
ਇਸ ਕਾਨਫਰੰਸ ਦਾ ਮੁੱਖ ਟੀਚਾ ਵਿਸ਼ਵ ਭਰ ‘ਚ ਫੈਲ੍ਹੇ ਸਾਥੀਆਂ ਨਾਲ ਕੋਵਿਡ-19 ‘ਤੇ ਚਰਚਾ ਕਰਨਾ ਸੀ।ਤਿਵਾੜੀ ਨੇ ਜ਼ੋਰ ਦਿੰਦਿਆਂ ਕਿਹਾ ਕਿ ਇਸ ਮਹਾਂਮਾਰੀ ਨੇ ਆਈ.ਓ.ਸੀ ਵਰਗੀ ਸੰਸਥਾ ਨੂੰ ਅੰਤਰ ਰਾਸ਼ਟਰੀ ਭਾਈਚਾਰੇ ਨੂੰ ਮਾਰਗ ਦਿਖਾਉਣ ਦਾ ਇਕ ਵੱਡਾ ਮੌਕਾ ਦਿੱਤਾ ਹੈ, ਜਦੋਂ ਕਿ ਇਸ ਸੰਕਟ ਦੇ ਦੌਰ ਵਿਚ ਗਲੋਬਲ ਗਵਰਨੈਂਸ ਦੀਆਂ ਸਾਰੀਆਂ ਸੰਸਥਾਵਾਂ ਤਬਾਹ ਹੋ ਚੁੱਕੀਆਂ ਹਨ। ਉਨ੍ਹਾਂ ਉਮੀਦ ਪ੍ਰਗਟਾਈ ਕਿ ਭਾਰਤ ਵਿਸ਼ਵ ਸਿਹਤ ਸੰਗਠਨ (ਡਬਲਯੂ.ਐਚ.ਓ) ਦੇ ਕਾਰਜਕਾਰੀ ਬੋਰਡ ਦੀ ਪ੍ਰਧਾਨਗੀ ਦਾ ਇਸਤੇਮਾਲ ਦੁਨੀਆਂ ਦੇ ਦੇਸ਼ਾਂ ਤੇ ਸੰਗਠਨਾਂ ਦੇ ਅੰਤਰ ਰਾਸ਼ਟਰੀ ਗਠਜੋੜ ਨੂੰ ਇਕੱਠੇ ਰੱਖਣ ‘ਚ ਕਰੇਗਾ, ਤਾਂ ਜੋ ਚੀਨ ਨੂੰ ਅੰਤਰਰਾਸ਼ਟਰੀ ਜਾਂਚਕਾਰਾਂ ਦੀ ਇਕ ਗੈਰ ਪੱਖਪਾਤੀ ਟੀਮ ਨੂੰ ਕੋਵਿਡ-19 ਦੀ ਤਹਿ ਤੱਕ ਪਹੁੰਚਣ ਲਈ ਪੂਰੀ ਤੇ ਗੈਰ ਰੁਕਾਵਟੀ ਪਹੁੰਚ ਦੇਣ ਲਈ ਮਜਬੂਰ ਕੀਤਾ ਜਾ ਸਕੇ ਅਤੇ ਇਸ ਗੱਲ ਦਾ ਪਤਾ ਕੀਤਾ ਜਾ ਸਕੇ ਕਿ ਕੋਵਿਡ-19 ਵਾਇਰਸ ਕੁਦਰਤੀ ਪ੍ਰਜਾਤੀ ਦਾ ਨਤੀਜਾ ਸੀ ਜਾਂ ਫਿਰ ਕਿਸੇ ਲੈਬ ਦੀ ਪੈਦਾਵਾਰ। ਇਸ ਲੜੀ ਹੇਠ ਡਬਲਯੂ.ਐਚ.ਓ. ਵੱਲੋਂ ਜਨਵਰੀ-2020 ਵਿਚ ਸਮੇਂ ਸਿਰ ਚੇਤਾਵਨੀ ਦੇਣ ‘ਤੇ ਯਾਤਰਾ ਸਬੰਧੀ ਸਲਾਹ ਜਾਰੀ ਕਰਨ ‘ਚ ਅਸਫਲ ਰਹਿਣ ਅਤੇ ਇਥੋਂ ਤੱਕ ਕਿ ਵਾਇਰਸ ਨੂੰ ਨਾਮ ਦੇਣ ਵਿਚ ਚੀਨ ਅੱਗੇ ਗੋਡੇ ਟੇਕਣਾ ਇਸ ਪਤਨ ਦੀ ਇਕ ਹੋਰ ਉਦਾਹਰਨ ਸੀ। ਇਸੇ ਤਰ੍ਹਾਂ ਜਦੋਂ ਮਾਰਚ ‘ਚ ਇਹ ਮਹਾਂਮਾਰੀ ਪੂਰੀ ਦੁਨੀਆਂ ‘ਚ ਫੈਲ ਰਹੀ ਸੀ, ਯੂ.ਐਨ.ਐਸ.ਸੀ. ਨੂੰ 21ਵੀਂ ਸਦੀ ਦੇ ਹੁਣ ਤੱਕ ਦੇ ਸੱਭ ਤੋਂ ਵੱਡੇ ਮਨੁੱਖੀ ਸੰਕਟ ਕੋਵਿਡ-19 ‘ਤੇ ਮਿਲਣ ਅਤੇ ਵਿਚਾਰ ਚਰਚਾ ਕਰਨ ਦੀ ਇਜ਼ਾਜਤ ਨਹੀਂ ਮਿਲੀ, ਕਿਉਂਕਿ ਚੀਨ ਨੇ ਸੰਸਥਾ ਦੀ ਪ੍ਰਧਾਨਗੀ ਦੇ ਚੱਕਰ ਨੂੰ ਫੜਿਆ ਸੀ ।ਇਸ ਮੌਕੇ ਮਨੀਸ਼ ਤਿਵਾੜੀ ਨੇ ਆਈ.ਓ.ਸੀ. ਦੇ ਪ੍ਰਧਾਨਾਂ ਨੂੰ ਸਬੰਧਤ ਦੇਸ਼ਾਂ ‘ਚ ਭਾਰਤੀ ਦੂਤਾਵਾਸਾਂ ਜਾਂ ਕੰਸਲੇਟਾਂ ਤੋਂ ਉਨ੍ਹਾਂ ਵਿਅਕਤੀਆਂ ਦੀ ਸੂਚੀ ਹਾਸਿਲ ਕਰਨ ਲਈ ਕਿਹਾ, ਜਿਹੜੇ ਉਥੇ ਭਾਰਤੀ ਫਸੇ ਹੋਏ ਹਨ ਤੇ ਭਾਰਤ ਪਰਤਣਾ ਚਾਹੁੰਦੇ ਹਨ। ਕਿਉਂਕਿ ਇਨ੍ਹਾਂ ਦੀ ਵਾਪਸੀ ਨੂੰ ਵਕਤ ਲੱਗੇਗਾ, ਪਰ ਅਜਿਹੇ ‘ਚ ਆਈ.ਓ.ਸੀ. ਨੂੰ ਹੋਰ ਭਾਰਤੀ ਸੰਸਥਾਵਾਂ ਨਾਲ ਸੰਪਰਕ ਕਰਕੇ ਇਨ੍ਹਾਂ ਭਾਰਤੀਆਂ ਨੂੰ ਵਾਪਿਸ ਲਿਆਉਣ ਲਈ ਲੋੜੀਂਦੀ ਸਹਾਇਤਾ ਪ੍ਰਦਾਨ ਕਰਨੀ ਚਾਹੀਦੀ ਹੈ, ਇਨ੍ਹਾਂ ‘ਚੋਂ ਕਈ ਵਿਅਕਤੀ ਨਕਦੀ ਤੇ ਰਸਦ ਦੇ ਸੰਕਟ ਦਾ ਵੀ ਸਾਹਮਣਾ ਕਰ ਰਹੇ ਹਨ।ਅਖੀਰ ‘ਚ ਤਿਵਾੜੀ ਨੇ ਇੰਡੀਅਨ ਓਵਰਸੀਜ਼ ਕਾਂਗਰਸ ਦੀ ਸਭਾ ਲਈ ਧੰਨਵਾਦ ਕੀਤਾ।
ਇਸ ਵੀਡੀਓ ਕਾਨਫਰੰਸਿੰਗ ਵਿਚ ਹਰਬਚਨ ਸਿੰਘ ਸੈਕਟਰੀ ਜਨਰਲ ਆਈ.ਓ.ਸੀ ਯੂ.ਐਸ.ਏ, ਰਵੀ ਚੋਪੜਾ ਸੀਨੀਅਰ ਮੀਤ ਪ੍ਰਧਾਨ ਆਈ.ਓ.ਸੀ ਯੂ.ਐਸ.ਏ, ਕਮਲ ਧਾਲੀਵਾਲ ਪ੍ਰਧਾਨ ਆਈ.ਓ.ਸੀ. ਯੂ.ਕੇ., ਰਜਿੰਦਰ ਡਿਚਪੱਲਈ ਜਨਰਲ ਸਕੱਤਰ ਆਈ,ਓ,ਸੀ. ਯੂ.ਐਸ.ਏ., ਸਤੀਸ਼ ਸ਼ਰਮਾ ਚੇਅਰਮੈਨ ਆਈ.ਓ.ਸੀ. ਯੂ.ਐਸ.ਏ. ਪੰਜਾਬ ਚੈਪਟਰ, ਗੋਰੀਸ਼ੰਕਰ ਐਸਆਰ ਡੱਲਾਸ ਯੂ.ਐਸ.ਏ., ਡਾ. ਸੋਨੀਆ ਸਵੀਡਨ, ਸੋਫੀਆ ਸ਼ਰਮਾ ਯੂ.ਐਸ.ਏ, ਰਾਜੀਵਨ ਮੋਹਨ ਯੂ.ਐਸ.ਏ, ਗੁਰਮਿੰਦਰ ਕੌਰ ਯੂ.ਕੇ., ਬਲਵਿੰਦਰ ਸਿੰਘ ਜਰਮਨੀ, ਐਲੀਜਾਬੇਥ ਲਾਰੇਂਸ ਆਈ.ਓ.ਸੀ. ਸਵਿਟਜਰਲੈਂਡ, ਕਾਵਿਆ ਸ਼ਾਹ ਟੋਰੰਟੋ ਕਨੇਡਾ, ਜੋਸ ਅਬ੍ਰਾਹਮ ਯੁ.ਐਸ.ਏ, ਜੀਂਦਾ ਸ਼ੇਰਗਿੱਲ ਪ੍ਰਧਾਨ ਆਈ.ਓ.ਸੀ ਯੂ.ਕੇ. ਬਰਮਿੰਘਮ, ਬੀਜੂ ਕੋਂਬਸੇਰਿਲ ਯੂ.ਐਸ.ਏ, ਹਰਮਨ ਗਿੱਲ ਕਨੇਡਾ, ਸੰਦੀਪ ਵਾਂਗਲਾ ਕੈਲੀਫੋਰਨੀਆ, ਸੌਰਭ ਭੰਡਾਰੀ ਯੁ.ਕੇ, ਹਰੀ ਨੰਬੂਥਿਰੀ ਵੀ ਸ਼ਾਮਿਲ ਸਨ।
