ਚੰਡੀਗੜ੍ਹ (ਮੀਡੀਆ ਬਿਊਰੋ) ਲੌਕਡਾਊਨ ਦੇ ਦੌਰ ਵਿਚ ਦੇਸ਼ ਨੂੰ ਜਿਥੇ ਆਰਥਿਕ ਘਾਟੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉਥੇ ਹੀ ਅਖਬਾਰਾਂ ਨੂੰ ਵੰਡ ਪ੍ਰਣਾਲੀ ਨਾਲ ਜੁੜੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੂਜੇ ਪਾਸੇ ਉਨ੍ਹਾਂ ਦੀ ਈ-ਪੇਪਰ ਕਾਪੀ ਅਤੇ ਡਿਜੀਟਲ ਪਾਈਰੇਸੀ ਦੀਆਂ ਘਟਨਾਵਾਂ ਵਿੱਚ ਵੀ ਵਾਧਾ ਹੋਇਆ ਹੈ।
ਇਸ ਨਾਲ ਅਖਬਾਰਾਂ ਦੇ ਮਾਲੀਏ ਦਾ ਨੁਕਸਾਨ ਹੋ ਰਿਹਾ ਹੈ। ਹਿੰਦੀ ਅਖਬਾਰ ਦੈਨਿਕ ਭਾਸਕਰ ਵਿਚ ਛਪੀ ਰਿਪੋਰਟ ਅਨੁਸਾਰ ਈ-ਪੇਪਰ ਕਾੱਪੀ ਅਤੇ ਡਿਜੀਟਲ ਪਾਈਰੇਸੀ ਨੂੰ ਰੋਕਣ ਲਈ ਇੰਡੀਅਨ ਅਖਬਾਰ ਸੁਸਾਇਟੀ (ਆਈ.ਐੱਨ.ਐੱਸ.) ਨੇ ਚਿਤਾਵਨੀ ਦਿੱਤੀ ਹੈ। ਕਿ ਅਖਬਾਰਾਂ ਦੇ ਈ-ਪੇਪਰਾਂ ਤੋਂ ਪੇਜਾਂ ਨੂੰ ਡਾਊਨਲੋਡ ਕਰਨਾ ਅਤੇ ਉਹਨਾਂ ਦੀ ਪੀਡੀਐਫ ਫਾਈਲ ਨੂੰ ਵਟਸਐਪ ਜਾਂ ਟੈਲੀਗ੍ਰਾਮ ਗਰੁੱਪ ਵਿਚ ਭੇਜਣਾ ਗੈਰ ਕਾਨੂੰਨੀ ਹੈ। ਅਖਬਾਰਾਂ ਉਸ ਵਿਅਕਤੀ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਅਤੇ ਭਾਰੀ ਜ਼ੁਰਮਾਨੇ ਲਿਆ ਸਕਦੇ ਹਨ ਜੋ ਈ-ਪੇਪਰ ਜਾਂ ਉਸ ਦੇ ਹਿੱਸਿਆਂ ਦੀ ਨਕਲ ਕਰਕੇ ਗੈਰ ਕਾਨੂੰਨੀ ਢੰਗ ਨਾਲ ਸੋਸ਼ਲ ਮੀਡੀਆ ‘ਤੇ ਸਰਕੂਲੇਟ ਕਰਦਾ ਹੈ।
