ਪਟਿਆਲਾ (ਅਰਵਿੰਦਰ ਸਿੰਘ) ਪੰਜਾਬ ਹੋਮ ਗਾਰਡਜ਼ ਦੇ ਹੋਣਹਾਰ, ਮਿਲਣਸਾਰ ਅਤੇ ਕਰਤੱਵ ਪੂਰਨ ਸ੍ਰੀ ਰਾਏ ਸਿੰਘ ਧਾਲੀਵਾਲ ਦੇ ਪਟਿਆਲਾ ਹੋਮ ਗਾਰਡਜ਼ ਦੇ ਕਮਾਂਡੈਂਟ ਵੱਲੋਂ ਚਾਰਜ ਸੰਭਾਲਣ ਤੇ ਗਰੀਨ ਵੈਲ ਹਾਈ ਸਕੂਲ ਵੱਲੋਂ ਸੁਆਗਤੀ ਪ੍ਰੋਗਰਾਮ ਕਰਵਾਇਆ। ਪ੍ਰਿੰਸੀਪਲ ਸ੍ਰੀਮਤੀ ਰੀਨਾ ਸ਼ਰਮਾ ਅਤੇ ਡਾਇਰੈਕਟਰ ਮਿਸਜ ਮੰਜੂ ਨੇ ਸੁਆਗਤ ਕਰਦੇ ਹੋਏ ਕਿਹਾ ਸ੍ਰੀ ਰਾਏ ਸਿੰਘ ਧਾਲੀਵਾਲ ਪੰਜਾਬ ਸਰਕਾਰ ਦੇ ਇੱਕ ਵਫਾਦਾਰ, ਇਮਾਨਦਾਰ, ਅਨੁਸਾਸ਼ਿਤ ਅਤੇ ਸਭ ਦੀ ਕਦਰ ਕਰਨ ਵਾਲੇ ਆਫਿਸਰ ਹਨ। ਸ੍ਰੀ ਰਾਏ ਸਿੰਘ ਧਾਲੀਵਾਲ ਨੇ ਸਕੂਲ ਦੀਆਂ ਪ੍ਰਾਪਤੀਆਂ, ਅਨੁਸ਼ਾਸ਼ਨ, ਬੱਚਿਆਂ ਦੇ ਫਸਟ ਏਡ, ਰੋਡ ਸੇਫਟੀ, ਫਾਇਰ ਸੇਫਟੀ, ਸੀ.ਪੀ.ਆਰ., ਵਾਤਾਵਰਨ ਦੀ ਸੰਭਾਲ ਦੇ ਗਿਆਨ ਦੀ ਪ੍ਰਸੰਸਾ ਕੀਤੀ ਅਤੇ ਕਿਹਾ ਕਿ ਸਕੂਲ ਕਾਲਜਾਂ ਦਾ ਉਦੇਸ਼ ਬੱਚਿਆਂ ਨੂੰ ਕਿਤਾਬੀ ਗਿਆਨ ਦੇ ਨਾਲ ਫਰਜਾਂ, ਅਨੁਸ਼ਾਸ਼ਨ, ਸਿਹਤ, ਤੰਦਰੁਸਤੀ, ਵਫਾਦਾਰੀਆ, ਸੰਤੁਸ਼ਟੀ ਆਦਿ ਬਾਰੇ ਵੀ ਗਿਆਨ ਦੇਣਾ ਹੋਣਾ ਚਾਹੀਦਾ ਹੈ ਤਾਂ ਜੋ ਬੱਚੇ ਵੱਡੇ ਹੋ ਕੇ ਭਟਕਨ ਨਾ, ਨਸ਼ਿਆਂ, ਅਪਰਾਧਾ, ਹਾਦਸਿਆਂ ਤੋਂ ਬਚਣ, ਉਨ੍ਹਾਂ ਨੇ ਜ਼ਿੰਦਗੀ ਵਿੱਚ ਸਫਲਤਾ, ਚੰਗੀ ਸਿਹਤ ਅਤੇ ਸਨਮਾਨ ਹਿੱਤ ਦੇਸ਼, ਸੰਸਥਾ, ਪਰਿਵਾਰ, ਕੁਦਰਤ ਅਤੇ ਇਸਵਰ ਦੇ ਕਾਨੂੰਨਾਂ ਤੇ ਨਿਯਮਾਂ ਦੀ ਪਾਲਣਾ ਕਰਨਾ ਜਰੂਰੀ ਹੈ। ਉਹਨਾਂ ਨੇ ਸ੍ਰੀ ਕਾਕਾ ਰਾਮ ਵਰਮਾ, ਸੇਵਾ ਮੁਕਤ ਜਿਲਾ ਟਰੇਨਿੰਗ ਅਫਸਰ ਰੈੱਡ ਕਰਾਸ ਦੇ ਨਿਸ਼ਕਾਮ ਕੰਮਾਂ, ਫਸਟ ਏਡ, ਸੀ.ਪੀ.ਆਰ., ਫਾਇਰ ਸੇਫਟੀ ਆਦਿ ਦੀ ਟਰੇਨਿੰਗ ਹਿੱਤ ਦਿੱਤੇ ਜਾ ਰਹੇ ਮਹਾਨ ਯੋਗਦਾਨ ਦੀ ਪ੍ਰਸੰਸਾ ਕੀਤੀ ਅਤੇ ਬੱਚਿਆਂ ਨੂੰ ਉਨ੍ਹਾਂ ਤੋਂ ਵੀ ਆਸ਼ੀਰਵਾਦ ਲੈਂਦੇ ਰਹਿਣਾ ਚਾਹੀਦਾ ਹੈ। ਬੱਚਿਆਂ ਨੇ ਆਪਣੇ ਸਕੂਲ ਦੇ ਪ੍ਰਿੰਸੀਪਲ, ਡਾਇਰੇਕਟਰ, ਸਟਾਫ ਅਤੇ ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਮੈਂਬਰ ਸ੍ਰੀ ਕਾਕਾ ਰਾਮ ਵਰਮਾ ਅਤੇ ਵਿਸ਼ੇਸ਼ ਤੌਰ ਤੇ ਸ੍ਰੀ ਰਾਏ ਸਿੰਘ ਧਾਲੀਵਾਲ ਦੇ ਵਿਚਾਰਾਂ ਦਾ ਧੰਨਵਾਦ ਕੀਤਾ।
