ਫ਼ਤਹਿਗੜ੍ਹ ਸਾਹਿਬ (ਸੂਦ) ਡੀ. ਐਸ. ਪੀ. ਰਮਿੰਦਰ ਸਿੰਘ ਕਾਹਲੋ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਦੱਸਿਆ ਕਿ ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਕਰਫਿਉ ਲਗਾਇਆ ਗਿਆ ਹੈ ਅਤੇ ਲੋਕਾ ਨੂੰ ਮੁਸ਼ਕਿਲ ਨਾ ਹੋਵੇ ਇਸ ਲਈ ਸਰਕਾਰ ਨੇ ਜਰੂਰੀ ਕੰਮ ਲਈ ਬਾਹਰ ਜਾਣ ਦੀ ਕੁਝ ਲੋਕਾ ਨੂੰ ਛੋਟ ਦਿੱਤੀ ਹੋਈ ਹੈ, ਪਰ ਲੋਕ ਇਸ ਗੱਲ ਨੂੰ ਨਹੀ ਸਮਝਦੇ। ਸ਼ਹਿਰ ਵਿਚ ਗਲੀਆਂ ਵਿਚ ਬਿਨਾ ਗੱਲ ਤੋਂ ਘੁੰਮਦੇ ਹਨ ਅਤੇ ਜਦੋਂ ਪੁਲਸ ਨੂੰ ਦੇਖਦੇ ਹਨ ਤਾਂ ਭੱਜਕੇ ਘਰਾਂ ਵਿਚ ਵੜ ਜਾਂਦੇ ਹਨ।
ਉਨ੍ਹਾ ਕਿਹਾ ਕਿ ਘਰਾਂ ਤੋਂ ਬਾਹਰ ਨਿਕਲਣ ਨਾਲ ਆਪਣੀ ਹੀ ਜਾਨ ਨੂੰ ਖਤਰਾ ਹੈ, ਇਸ ਨਾਲ ਕੋਰੋਨਾ ਵਾਇਰਸ ਫੈਲਣ ਦਾ ਖਤਰਾ ਹੈ। ਥਾਣਾ ਸਰਹਿੰਦ, ਥਾਣਾ ਮੁੱਲੇਪੁਰ ਅਤੇ ਥਾਣਾ ਫਤਿਹਗੜ੍ਹ ਸਾਹਿਬ ਵਿਚ ਕਰਫਿਉ ਦੀ ਉਲੰਘਣਾ ਕਰਨ ਦੇ 120 ਮਾਮਲੇ ਦਰਜ ਕੀਤੇ, ਦੁਕਾਨਦਾਰਾਂ ਖਿਲਾਫ 45 ਮਾਮਲੇ ਦਰਜ ਕੀਤੇ, ਜਦਕਿ 222 ਵਿਅਕਤੀ ਗ੍ਰਿਫਤਾਰ ਕੀਤੇ ਅਤੇ 181 ਮੋਟਰਸਾਈਕਲਾ ਦੇ ਚਲਾਨ ਕੀਤੇ। ਥਾਣਾ ਸਰਹਿੰਦ ਪੁਲਸ ਨੇ 68 ਮਾਮਲੇ ਦਰਜ ਕੀਤੇ ਹਨ ਅਤੇ 148 ਵਿਅਕਤੀ ਗ੍ਰਿਫਤਾਰ ਕੀਤੇ ਹਨ, ਜਦਕਿ 19 ਦੁਕਾਨਦਾਰਾਂ ਖਿਲਾਫ ਵੀ ਮਾਮਲੇ ਦਰਜ ਕੀਤੇ ਗਏ ਹਨ, 102 ਵਾਹਨਾ ਦੇ ਚਲਾਨ ਵੀ ਕੀਤੇ। ਇਸੇ ਤਰਾਂ ਥਾਣਾ ਫਤਿਹਗੜ੍ਹ ਸਾਹਿਬ ਪੁਲਸ ਨੇ 30 ਮਾਮਲੇ ਦਰਜ ਕਰ 43 ਵਿਅਕਤੀ ਗ੍ਰਿਫਤਾਰ ਕੀਤੇ ਹਨ, 18 ਮਾਲੇ ਦੁਕਾਨਦਾਰਾਂ ਖਿਲਾਫ ਦਰਜ ਕੀਤੇ, 72 ਵਾਹਨਾ ਦੇ ਚਲਾਨ ਵੀ ਕੀਤੇ। ਇਸੇ ਤਰਾਂ ਥਾਣਾ ਮੁੱਲੇਪੁਰ ਪੁਲਸ ਨੇ 22 ਮਾਮਲੇ ਦਰਜ ਕਰਕੇ 31 ਵਿਅਕਤੀ ਗ੍ਰਿਫਤਾਰ ਕੀਤੇ, 8 ਦੁਕਾਨਦਾਰਾਂ ਖਿਲਾਫ ਮਾਮਲੇ ਦਰਜ ਕੀਤੇ, 8 ਵਾਹਨਾ ਦੇ ਚਲਾਨ ਕੀਤੇ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਿਨਾ ਵਿਅਕਤੀਆਂ ਖਿਲਾਫ ਮਾਮਲੇ ਦਰਜ ਕੀਤੇ ਗਏ ਹਨ ਉਨ੍ਹਾ ਦੀ ਜਮਾਨਤ ਥਾਣੇ ਵਿਚ ਹੋ ਗਈ ਹੈ।
ਉਨ੍ਹਾ ਚਿਤਾਵਨੀ ਦਿੱਤੀ ਕਿ ਜੋ ਵੀ ਕੋਈ ਵਿਅਕਤੀ ਬਿਨਾ ਕੰਮ ਤੋਂ ਗਲੀ ਜਾਂ ਸੜਕ ਤੇ ਨਿਕਲੇਗਾ ਤਾਂ ਉਸਦੇ ਖਿਲਾਫ ਸਖਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਜੋ ਵਿਅਕਤੀ ਵਾਹਨ ਲੇ ਕੇ ਸੜਕ ਤੇ ਆਵੇਗਾ ਤਾਂ ਉਸ ਦਾ ਵਾਹਨ ਬੰਦ ਕਰ ਦਿੱਤਾ ਜਾਵੇਗਾ। ਉਨ੍ਹਾ ਦੁਕਾਨਦਾਰਾਂ ਨੂੰ ਵੀ ਚਿਤਵਾਨੀ ਦਿੱਤੀ ਕਿ ਜੋ ਸਮਾਂ ਸਰਕਾਰ ਤੇ ਪ੍ਰਸ਼ਾਸ਼ਨ ਨੇ ਨਿਰਧਾਰਤ ਕੀਤਾ ਹੈ ਉਸ ਸਮੇਂ ਦੌਰਾਨ ਹੀ ਜਰੂਰੀ ਵਸਤੂਆ ਦੀ ਸਪਲਾਈ ਕਰਨ, ਜੋ ਦੁਕਾਨਦਾਰ ਦਿਨ ਵੇਲੇ ਦੁਕਾਨਾ ਦੇ ਪਿਛਲੇ ਪਾਸੇ ਗਲੀ ਵਿਚ ਵਾਲਾ ਦਰਵਾਜਾ ਖੋਲ ਕੇ ਸਮਾਨ ਵੇਚਦੇ ਹਨ ਉਨ੍ਹਾ ਖਿਲਾਫ ਵੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾ ਕਿਹਾ ਕਿ ਕਾਨੂੰਨ ਦੀ ਉਲੰਘਣਾ ਕਰਨ ਵਾਲਿਆ ਨੂੰ ਬਖਸ਼ਿਆ ਨਹੀ ਜਾਵੇਗਾ। ਇਸ ਮੌਕੇ ਥਾਣਾ ਸਰਹਿੰਦ ਦੇ ਐਸ. ਐੱਚ. ਓ. ਰਜਨੀਸ਼ ਸੂਦ, ਐਸ. ਐਚ. ਓ. ਇੰਸਪੈਕਟਰ ਜੀ. ਐਸ. ਸਿੰਕਦ, ਪੁਲਸ ਚੌਕੀ ਸਰਹਿੰਦ ਦੇ ਇੰਚਾਰਜ ਬਲਜਿੰਦਰ ਸਿੰਘ, ਸਬ ਇੰਸਪੈਕਟਰ ਅਵਤਾਰ ਅਲੀ, ਸਬ ਇੰਸਪੈਕਟਰ ਹਰਮਿੰਦਰ ਸਿੰਘ, ਸਹਾਇਕ ਥਾਣੇਦਾਰ ਰਾਜਿੰਦਰ ਸਿੰਘ, ਸਹਾਇਕ ਥਾਣੇਦਾਰ ਪ੍ਰਿਥਵੀਰਾਜ, ਸਬ ਇੰਸਪੈਕਟਰ ਨਵਜੀਤ ਕੌਰ, ਰੀਡਰ ਭੁਪਿੰਦਰ ਸਿੰਘ, ਸਹਾਇਕ ਥਾਣੇਦਾਰ ਜਸਵੰਤ ਕੌਰ ਅਤੇ ਹੋਰ ਹਾਜਰ ਸਨ।
