ਪਟਿਆਲਾ (ਅਰਵਿੰਦਰ ਸਿੰਘ) ਪਟਿਆਲਾ ਦੇ ਵਾਰਡ ਨੰਬਰ 24 ‘ਚ ਪੈਂਦੇ ਸਾਹਿਬਜ਼ਾਦਾ ਜੁਝਾਰ ਸਿੰਘ ਨਗਰ ਵੈਲਫ਼ੇਅਰ ਸੁਸਾਇਟੀ ਦੀ ਨਵੀਂ ਵਰਕਿੰਗ ਕਮੇਟੀ ਦੀ ਚੋਣ ਹੋਈ ਜਿਸ ਵਿੱਚ ਐਡਵੋਕੇਟ ਪ੍ਰਿਤਪਾਲ ਸਿੰਘ ਭੰਡਾਰੀ (ਸੇਵਾਮੁਕਤ ਪ੍ਰਿੰਸੀਪਲ) ਨੂੰ ਸਰਬਸੰਮਤੀ ਨਾਲ ਵਾਰਡ ਦੇ ਐਮ.ਸੀ. ਸ੍ਰੀ ਅਨਿਲ ਮੋਦਗਿੱਲ ਦੀ ਹਾਜ਼ਰੀ ਵਿੱਚ ਪ੍ਰਧਾਨ ਚੁਣ ਲਿਆ ਗਿਆ। ਚੋਣ ਮੌਕੇ ਜਨਰਲ ਬਾਡੀ ਵੱਲੋਂ ਪੰਡਿਤ ਰਾਮ ਦਾਸ ਨੂੰ ਬਤੌਰ ਪ੍ਰੋਜ਼ਾਇਡਿੰਗ ਅਫ਼ਸਰ ਨਿਯੁਕਤ ਕੀਤਾ ਗਿਆ ਜਿੰਨਾਂ ਜਨਰਲ ਸਕੱਤਰ ਦੀ ਚੋਣ ਕਰਵਾਈ ਅਤੇ ਸ੍ਰੀ ਧਰਮਵੀਰ ਸ਼ਰਮਾ ਨੂੰ ਕਮੇਟੀ ਦਾ ਜਨਰਲ ਸਕੱਤਰ ਚੁਣਿਆ ਗਿਆ। ਇਸ ਮੌਕੇ ਜਨਰਲ ਬਾਡੀ ਦੇ ਪ੍ਰਧਾਨ ਸ੍ਰੀ ਕਮਲ ਸ਼ਰਮਾ ਨੇ ਪ੍ਰਧਾਨ ਐਡਵੋਕੇਟ ਪ੍ਰਿਤਪਾਲ ਸਿੰਘ ਭੰਡਾਰੀ ਅਤੇ ਜਨਰਲ ਸਕੱਤਰ ਸ੍ਰੀ ਧਰਮਵੀਰ ਸ਼ਰਮਾ ਨੂੰ ਬਾਕੀ ਅਹੁਦੇਦਾਰ ਅਤੇ ਕਾਰਜਕਾਰੀ ਮੈਂਬਰ ਨਾਮਜ਼ਦ ਕਰਨ ਦੇ ਅਧਿਕਾਰੀ ਦੇ ਦਿੱਤੇ। ਇਸ ਮੌਕੇ ਹਰਨੂਰ ਸਿੰਘ ਭੰਡਾਰੀ, ਸ੍ਰੀ ਧਰਮਵੀਰ ਸ਼ਰਮਾ, ਸ੍ਰੀ ਕਮਲ ਸ਼ਰਮਾ, ਪੰਡਿਤ ਰਾਮ ਦਾਸ, ਸ੍ਰੀ ਐਨ.ਕੇ. ਜਾਲੀ, ਸ੍ਰੀ ਤਰਸੇਮ ਸ਼ਰਮਾ, ਸ੍ਰੀ ਅਮਨਦੀਪ ਸਿੰਘ ਭੰਡਾਰੀ ਤੋਂ ਇਲਾਵਾ ਮੁਹੱਲਾ ਵਾਸੀ ਮੌਜੂਦ ਸਨ।
